Wednesday, March 4, 2009

The Little Conspirator ပုန်ကန်သူလေး၊ အပိုင်း ၁/၄။

မြန်မာဘာသာပြန်သူ၏ အမှာစာ

ဤ “ပုန်ကန်သူလေး” အမည်ပေးထားသည့် စာအုပ်ငယ်သည် တနှစ်လေးကြိမ် ထုတ်ဝေသော Journal of the Centre for Conflict Studies, University of New Brunswik နယူး-ဘရန်စ်ဝစ်ခ် ယူနီဘာစီတီ၏ ၁၉၈၆ခုနှစ် မိုးဦးကျ “ဝိရောဓိ” စာစောင်မှ "The Little Conspirator" ကို မြန်မာလိုဘာသာပြန်ဆိုခြင်း ဖြစ်ပြီး၊ ယင်းဆောင်းပါးသည်လည်း Roman M. Boreyko ရိုမန်၊ အမ်၊ ဘော်ရေကိုးနှင့် Andrẻ YaDeau အင်ဒရီရာဒေါ် တို့ က မူရင်း ပိုလန်ဘာသာမှ အင်္ဂလိပ်ဘာသာ ပြန်ထားပါသည်။

အကြမ်းမဖက် ဒီမိုကရေစီအရေးကြိုးပမ်းနေကြကုန်သော မြန်မာပြည်သူလူထုအတွက် အထောက်အကူပြုမည်ဟု ယူဆပါသည်။ အဘယ့်ကြောင့်ဆိုသော် ဤစာအုပ်က အာဏာရှင်တွေကို ဆန့်ကျင်ဖို့ အကြမ်းမဖက်တဲ့နည်းလမ်းတွေကို သုံးရန် တိုက်တွန်း ထားသည့်ပြင်၊ ‘ဖတ်ပါ’၊ ‘ဖတ်ပြီးရင် လက်ဆင့်ကမ်းပါ’၊ ‘တတ်နိုင်ရင် သင့်ဖာသာသင် ပုံနှိပ်ထုတ်ဝေပါ’ ဆိုတဲ့ အမှာလည်းပါ ပါသည်။ ဒါ့ကြောင့် လက်ဆင့်ကမ်းလိုက်ပါတယ်။ (စာအုပ်ပါ ဥပဒေ။ ပုဒ်မများသည် ပိုလန်ဥပဒေများသာဖြစ်ပါသည်။)

မြန်မာဘာသာပြန်သူ
(အင်စီဂျီယူဘီ)ရုံး၊ နယူးဒေလီ

နိဒါန်း

ဘာသာပြန်သူများဟာ လွန်ခဲ့တဲ့နှစ် ဆောင်းဦးပေါက်က မြေအောက်အဖွဲ့အစည်းများအကြောင်းကို အားလုံးပဲ စိတ်ဝင်စားမိသွားကြတယ်။ ဒါနဲ့ပဲ မာရှယ်လော ကြေညာအပြီး၊ ပိုလန်ပြည် မြေအောက် လှုပ်ရှားမှုကြီးရဲ့ တိုးတက်ဖွံ့ဖြိုးးမှု လမ်းကြောင်းကို ပညာရှင် ဆန်ဆန် သုတေသနလုပ်ငန်းသက်သက်အနေနဲ့ စတင်လေ့လာခဲ့ကြပါတယ်။ Che Gue Vara ချေဂွေဗားရား၊ Regis Debre ရီဂျစ်ဒီဗား၊ Franz Fanon ဖရန့်ဖာနွန် နဲ့ Carlos Marighella ကာလို့စ် မာရီဂယ်လာ တို့ သုံးခဲ့တဲ့ မြေအောက်နည်းလမ်းတွေနဲ့ ပိုလန်ပြည်မှာသုံးနေတဲ့ နည်းစနစ်တွေကို နှိုင်းယှဉ်လေ့လာနိုင်ဖို့ ဒီ‘ပုန်ကန်သူလေး’ စာအုပ်ကို ဘာသာပြန်လိုက်ကြပါတယ်။ ဒီစာအုပ်လေးကို အကြမ်းဘာသာပြန်ပြီးတဲ့အခါ။ ပိုပြီး ကျယ်ကျယ်ပြန့်ပြန့် ဖတ်နိုင်အောင် လုပ်ရင်ကောင်းမယ်လို့ စဉ်းစားမိလာကြပါတယ်။ ဒီစာအုပ်က အာဏာရှင်နိုင်ငံတွေကို ဆန့်ကျင်ဖို့ အကြမ်းမဖက်တဲ့ နည်းလမ်းတွေကိုသုံးဖို့ တိုက်တွန်းထားတယ်။ ဒါဟာလည်း ပိုလန်မှာ စနစ်တကျ စည်းရုံး ဖွဲ့စည်းပြီးသားရှိနေတဲ့ ကွန်မြူနစ် ဆန့်ကျင်ရေးလုပ်ငန်းကြီးရဲ့ အမြင်အယူအဆတွေကြောင့်ပါပဲ။

ဒါနဲ့ ကျနော်တို့လည်း ဒီစာအုပ်ကို ထုတ်ဝေခွင့်ရဖို့နဲ့၊ တချို့ မရှင်းတဲ့ အချက်တွေကိုမေးဖို့၊ ‘ပုန်ကန်သူလေး’ ထုတ်ဝေသူတွေကို Solidarity ‘သွေးစည်းညီညွတ်ရေး’ လမ်းကြောင်းကတဆင့် ချဉ်းကပ်ခဲ့ကြပါတယ်။ သူတို့ရဲ့ ကနဦး တုန့်ပြန်ချက်ကတော့ ခပ်ပြတ်ပြတ်ပဲ။ “ထုတ်ဝေခွင့် မပေးနိုင်ဘူး”တဲ့။ ဒီ မြေအောက် လက်စွဲစာစောင်လေးဟာ ပိုလန်ပြည် ပြင်ပမှာ ဘယ်သူက စိတ်ဝင်စားမှာလဲ ဆိုတာရယ်၊ ဘာ့ကြောင့်များ ကျနော်တို့က ဒုက္ခခံပြီး ဒီလို ရူးကြောင်ကြောင်အလုပ်တွေကို လုပ်နေရတာလဲ ဆိုတာတွေကို နားမလည်နိုင်အောင် ဖြစ်နေပါတယ်။ အနောက်နိုင်ငံက ပရိသတ်တွေ ဒီလက်စွဲစာစောင်လေးကို ဘာ့ကြောင့် စိတ်ဝင်စားကြမယ်ဆိုတာကို အတော်လေး ဆွေးနွေးပြီးတော့မှ ထုတ်ဝေခွင့် ပေးလိုက်ကြပါတယ်။ တွေ့ဆုံမေးမြန်းဖို့လည်း ခွင်ပြုခဲ့ပါတယ်။ ကျနော်တို့ မေးခွန်းတွေကို စာနဲ့ရေး မေးခဲ့ပြီး။ အဖြေတွေကိုလည်း ကြားခံပုဂ္ဂိုလ်တွေကတဆင့်ပဲ ရခဲ့ပါတယ်။ ကျနော်တို့ တွေ့ဆုံ မေးမြန်းခွင့်ရခဲ့သူဟာ ‘စစ်ကြောရေးကစားပွဲ’ အခန်းကို ရေးခဲ့သူလို့ယုံကြည်ရပါတယ်။ သူက နာမည်မဖော်ချင်ပဲ နေလိုပြီး။ ခုလို ပညာရှင်များရဲ့ မေးမြန်းခြင်း ခံရတာကိုလည်း သိပ်ကြိုက်ပုံ မရပါဘူး။ အချက်အလက် ပြည့်ပြည့်စုံစုံ ပေးလိုက်ရင် CND ထုတ်ဝေရေး တိုက်ရဲ့ လုံခြုံမှုကို ထိခိုက်မှာ သူစိုးရိမ်တာလို့ နားလည်နိုင်ပါတယ်။

‘ပုန်ကန်သူလေး’စာအုပ်ကို ရေးသားထုတ်ဝေခဲ့တာ ပိုလန်မှာ မာရှယ်လော ကြေညာအပြီး၊ ရာဇသတ်ကြီးနဲ့ ရာဇ၀တ်ကျင့်ထုံး ဥပဒေတို့ကို မပြင်ဆင်မီ၊ ရေးသားထုတ်ဝေခဲ့တာပါ။ အဲဒီကာလဟာ (၁၉၈၂) နွေဦး၊ ဖြစ်ဖို့များတာက မတ်လလောက်ကပါ။ ‘ဆက်ရန် ရှိသေးသည်’ CND ထုတ်ဝေရေးတိုက်ဟာ အဲဒီ အချိန်တုန်းက အမည်တူ မြေအောက် အစုတခုရဲ့ အစိတ်အပိုင်းတခုပါ။ ဒီအစုကို (၁၉၈၁) ဒီဇင်္ဘာ (၁၃)ရက် Czeslaw Beilecki ချက်လောဆီလက်ကီး က မာရှယ်လော ကြေညာအပြီး၊ တိုက်ပွဲဝင်သူ (၂၀၀) သို့မဟုတ် (၃၀၀) ရဲ့အကူအညီနဲ့ ၀ါဆောမှာ ထူထောင်ခဲ့ပါတယ်။ အုပ်စုရဲ့ သင်္ကေတစာလုံးကြီး CND ပေါ်မှာ ပိုလန်အလံ နောက်ပြန်လွင့်နေတဲ့ပုံဟာ ပထမတော့ ရင်ထိုးတွေအဖြစ်နဲ့ ပေါ်လာပြီး၊ နောက်တော့ လမ်းဘေး အုတ်နံရံတွေနဲ့ တံတိုင်းတွေပေါ်ကို (၁၉၈၂) ဇန်န၀ါရီမှာ ရောက်လာပါတယ်။

CND ဟာ Solidarity ‘သွေးစည်း ညီညွတ်ရေးအဖွဲ့’၊ MRKS ‘စက်ရုံပေါင်းစုံ အလုပ်သမားကော်မတီ’ နဲ့ နီးနီးစပ်စပ် အဆက်အသွယ်ရှိပါတယ်။ MRKS ဟာ (၁၉၈၂) ၀ါဆောရဲ့ အရဲရင့်ဆုံး မြေအောက်အဖွဲ့အစည်းပါ။ “ဆက်ရန်ရှိသေးသည်” အစုဟာ ပထမဆုံး အပတ်စဉ် CND သတင်းစာကို ထုတ်ဝေခဲ့ပါတယ်။ ဒါဟာ MRKS ရဲ့ အာဘော်သတင်းစာပါ။ “ပုန်ကန်သူလေး” ကို ထုတ်ဝေဖြန့်ချိလိုက်တာဟာ CND ရဲ့အဓိကပထမခြေလှမ်းပါပဲ။ ဒီ လက်စွဲစာစဉ်ကို ၀ါဆောမှာ ထုတ်ဝေခဲ့တာလို့ ကျနော်တို့ သိထားပါတယ်။ ဘာဖြစ်လို့လဲဆိုတော့ အဲဒီအချိန်က မြို့တော်တ၀ိုက် လုံခြုံရေးဂိတ်တွေအများကြီးနဲ့ တင်းကြပ်ထားတာကြောင့် မြို့ထဲကို အပြင်ကသွင်းဖို့ဆိုတာ မဖြစ်နိုင်လို့ပါ။

ပထမပိုင်း စာစောင်တွေကိုကြည့်ရတာ ဒီလက်စွဲစာစဉ်ကို Mimeograph ကျောက်ပုံနှိပ်နဲ့ အရည်အသွေး ခပ်ညံ့ညံ့ A-4 အရွယ် စက္ကူပေါ်ကူးယူပြီးမှ A-4 အရွယ်၊ လက်နဲ့ဖြတ်ပြီး၊ ချုပ်စက်နဲ့ ချုပ်ထားပုံရပါတယ်။ စက္ကူနဲ့ မင်တွေ ကတော့ မာရှယ်လော မတိုင်ခင် သိမ်းဆည်းထားခဲ့တဲ့ ‘သွေးစည်းညီညွတ်ရေးအဖွဲ့’ ရဲ့ လက်ကျန်ပစ္စည်းတွေ ဖြစ်ပုံရပါ တယ်။ စာစောင်တွေကို Kolporters တွေက ကျောပိုးအိတ်တွေ၊ ဈေးခြင်းတောင်းတွေထဲမှာ ပစ္စည်းတွေအောက်က ၀ှက်ပြီး တနေရာကတနေရာကို သယ်ပို့ပေးကြတယ်။ ပြီးတော့မှ ယုံကြည်စိတ်ချရတဲ့ မိတ်ဆွေတွေကတဆင့် အိမ်တွေမှာ လိုက်ရောင်းကြတယ်။ မူရင်းဈေး ဘယ်လောက်ဆိုတာ မသိရပေမယ့်။ အများအပြားကို အခမဲ့ဖြန့်ခဲ့တာပါ။

“ပုန်ကန်သူလေး” ဟာ (၂၅) ကနေ (၅၀) ဇလော်တီ (၁၉၈၂) မှောင်ခိုဈေးနဲ့ဆို အမေရိကန်ဒေါ်လာ ၅ ဆင့်မှ ၁၀ ဆင့် တန်ဖိုးရှိမှာပါ။ ဒီလမ်းကြောင်းတွေကပဲတဆင့် စာစောင်ရောင်းရငွေတွေကို ထုတ်ဝေသူဆီ ပြန်ပို့ပေးကြပါတယ်။
ဒီလက်စွဲစာစောင်လေးဟာ ရေတိုရော ရေရှည်အတွက်ပါ အကျိုးသက်ရောက်မှုရှိခဲ့ပါတယ်။ ကျနေတဲ့စိတ်တွေကို မြှင့်တင်ပေးနိုင်ခဲ့တယ်။ လှုပ်ရှားမှုဟာ အသက်ဝင်နေဆဲဆိုတာကိုပြခဲ့တယ်။ မကြာခင် လှုပ်ရှားမှုဟာ အရှိန်ပြန်ရလာမယ် ဆိုတာလည်း ယုံကြည်စေခဲ့တယ်။ ဒါ့အပြင်အာဏာရှင်စနစ်အောက်က မာရှယ်လောကြေညာထားတဲ့မြို့တော်မှာ စည်းရုံး ဖွဲ့စည်းမှုရှိတဲ့၊ စနစ်ကျတဲ့ ဆန့်ကျင်ပုန်ကန်မှုတခု လုပ်လို့ရတယ်ဆိုတာ သက်သေပြခဲ့ပါတယ်။ ‘ပုန်ကန်သူလေး’ မှာ ပါဝင်တဲ့အကြောင်းအရာတွေကတော့ အရေးကြီးမြဲ၊ ကြီးဆဲပါပဲ။

ပိုလန်ပြည်တလွှား ပြန့်ကျဲနေတဲ့အစုလေးတွေကို နမူနာပုံစံပေးနိုင်ခဲ့ပြီး၊ ဘယ်လို ပုန်ကန်ရမယ်ဆိုတဲ့ သတင်းအချက်စကား ကိုလည်း ပေးနိုင်ခဲ့ပါတယ်။ ထုတ်ဝေသူကတော့ သူ့စာစောင်လေးကို ဘယ်လောက်အထိ အကျိုးပြုခဲ့တယ်ဆိုတာ ထင်မြင်ချက်ပေးလောက်အောင် အရေးမကြီးဘူးလို့ထင်သလို ဘယ်လောက် ထိရောက်မှုရှိခဲ့တယ်ဆိုတာကို စစ်ကြော ကြည့်လိုစိတ်လည်း မရှိပါဘူး။

“လျို့ဝှက်ရဲတပ်ဖွဲ့ရဲ့ စစ်ကြောရေးအရာရှိတွေရဲ့ တုန့်ပြန်ပုံကိုတော့ သိရတယ်ဗျ။ သူတို့ ဘယ်လိုနည်းတွေ သုံးတတ်တယ်ဆိုတာ ကျနော်တို့က သိထားတာကို။ စိတ်အနှောက်အယှက်ဖြစ်တာတော့ သေချာတယ်။ “ဟေ့ကောင် ‘ပကသ’ ကို မင်းဖတ်ပြီးမဟုတ်လား၊ မဖတ်ရသေးဘူးလား။ မင်းကညွှန်ကြားချက်တွေရထား ပြီးပြီပေါ့လေ..ဟုတ်လား။ မင်းတို့ရဲ့ ‘ပကသ’ ဆိုတာ အရူးတယောက်က ရေးထားတာကွ။ ဒီကောင့်မှာ ဥပဒေနဲ့ပတ်သက်လို့ ဘာ ဗဟုသုတမှ မရှိဘူး”။

နောက်တခုက ‘ပုန်ကန်သူလေး’ ဟာ နိုင်ငံတော်ရုပ်မြင်သံကြားနဲ့ ပါတီအာဘော်သတင်းစာက Trybuna Lubu မှာ အရေးတယူဖော်ပြခံရတဲ့ မြေအောက်စာစောင် အနည်းစုလေးထဲက တခုဖြစ်ပါတယ်။ “နောက်ထပ် ပြင်ဆင် ထုတ်ဝေရမယ့် မူတခုရှိမယ်ဆိုရင်ကော ဘယ်နေရာတွေကို ပြင်ချင်ပါသလဲ” ဆိုတဲ့ ကျနော်တို့ မေးခွန်းကိုတော့ သူက အခုလို ပြည့်ပြည့် စုံစုံ ပြန်ကြားခဲ့ပါတယ်။

“ဒုတိယပိုင်းကတော့ ပြန်ရေးရမယ်။ အချက်အလက်သစ်တွေ ထပ်ဖြည့်ရမယ်။ ပထမပိုင်းမှာလည်း ပြင်စရာတွေ ရှိသေးတယ်။ အထူးသဖြင့် လျို့ဝှက်ပုလိပ်အဖွဲ့ရဲ့ ထောက်လှမ်းရေးနည်းစနစ်တွေမှာပေါ့။ တယ်လီဖုန်း ကြားဖြတ် နားထောင်တာ၊ အသံခိုးနားထောင်တာ..စတဲ့ စောင့်ကြည့်ရေးနည်းစနစ်တွေပေါ့။ မြေအောက် တော်လှန်ရေးသမားတွေမှာ ဒါတွေနဲ့ပတ်သက်လို့ ယုံကြည်ရလောက်တဲ့ သတင်းအချက်အလက်တွေကလည်း ချို့တဲ့တာကြောင့် ရီစရာတွေ၊ အတင်း အဖျင်းတွေ၊ ပုံပြင်တွေလို ဖြစ်သွားတတ်တယ်။ ‘ဘယ်လိုပုန်ကန်မလဲ’ ဆိုတဲ့အခန်းကိုတော့ ‘ဘယ်လိုနေထိုင်ရမလဲ’ ဆိုတဲ့ အခန်းသစ်တခု ထပ်ဖြည့်ပေးရမယ်။ (ထောင်ထဲမှာ ဘယ်လိုနေရမယ်၊ ဖြတ်သန်းရမယ်ဆိုတာကို ရေးထားတာပါ။)

မျှော်မှန်းချက်ကြီးလှတဲ့ ဒီအခန်းကတော့ ထောင်ထဲမှာ ယောဂကျင့်ဖို့နဲ့ တခြား ကိုယ့်ကိုယ်ကို ထိန်းချုပ်နိုင်မယ့် နည်းတွေကို ရေးမှာပါ။ အဲဒီလိုပဲ တခြားအရေးကြီးတဲ့ အစာငတ်ခံ တိုက်ပွဲဆင်တာနဲ့ အတင်းအကြပ် အစာခွံ့တာကို ဘယ်လိုတုန့်ပြန်ရမယ်ဆိုတာတွေလည်း ပါမှာပေါ့။ ‘စစ်ကြောရေးကစားပွဲကြီး’ အခန်းကတော့ ခုထိ မှန်ကန်ဆဲပါ။ ထပ်ဖြည့်ရမှာတွေကတော့ စစ်ကြောရေးအတွင်း ထွက်ချက်မျိုးစုံပေးခဲ့ရတဲ့ အကျဉ်းသားတွေနဲ့ ဘယ်လိုထွက်ချက်မှ မပေးခဲ့တဲ့ အကျဉ်းသားတွေနဲ့ တွေ့ဆုံမေးမြန်းခန်းတွေပါ။”

ဒီတွေ့ဆုံမေးမြန်းခန်းမှာ ကျွန်ုပ်တို့ သတင်းထောက်ကြီးက “ပုန်ကန်သူလေး” ရေးသားသူရဲ့ နောက်ကြောင်း ရာဇ၀င်၊ အမည်၊ သူ့ရဲ့ကံကြမ္မာ...စတာတွေကို ပြောချင်ပုံ မရပါဘူး။ ဒီစာစောင်ကို ခွဲခြမ်းစိတ်ဖြာလေ့လာတဲ့ ကျနော်တို့ အလုပ်ကိုလဲ ကန့်ကန့်သတ်သတ်သာလုပ်ဖို့ အကြံပေးခဲ့ပါသေးတယ်။ ဘာပဲဖြစ်ဖြစ် သေချာတာကတော့ ကျနော်တို့ရဲ့ မြေအောက်သတင်းထောက်ကြီးက “စစ်ကြောရေးကစားပွဲ” အခန်းကို ရေးခဲ့သူဖြစ်ဖို့များပါတယ်။ “နိုင်ငံသားနှင့်လျို့ဝှက် ပုလိပ်” အခန်းကလည်း Nowa က အဲဒီ နာမည်နဲ့ပဲ အရင်က ထုတ်ဝေခဲ့ဖူးတာကို အခြေခံထားတာလို့လည်းသိရပါတယ်။ Nowa (၁၉၇၀) စုနှစ်များအတွင်း ပုံနှိပ်ထုတ်ဝေ ဖြန့်ချိရေးလုပ်ငန်းတွေလုပ်ခဲ့တဲ့ အကြီးဆုံး မြေအောက်ထုတ်ဝေရေး အစုပါ။

ကျနော်တို့ရဲ့ ကြားခံပုဂ္ဂိုလ်များက CND ကို တည်ထောင်သူ ဂျူးအမျိုးသား ဗိသုကာ Creslaw Priecki ခရက်စ်လော ပရိုက်စကီ (Maciej Poleski) မဆက် ပိုလက်စကီ လို့လူသိများသူရဲ့ ကံကြမ္မာအကြောင်းကို လူသိရှင်ကြား လုပ်ဖို့ ခွင့်တောင်းခံခဲ့ပါတယ်။ သူဟာ (၁၉၈၁) ဒီဇင်္ဘာ (၁၃) မှာ စရှောင်ခဲ့ရပြီး၊ (၁၉၈၅) ဧပြီ (၁၃) မှာ အဖမ်းခံခဲ့ရ ပါတယ်။ (၁၉၈၅) အောက်တိုဘာ (၁၃) ထဲက အစာငတ်ခံ နေတာ။ အတင်းအကြပ် အစာခွံ့ခံရပေမယ့်၊ (၁၉၈၆) ဇန်န၀ါရီလကုန်မှာ ကိုယ်အလေးချိန် ပေါင် (၆၀) လောက် ကျသွားပါပြီ။

General Jaruzelski ဗိုလ်ချုပ်ကြီးဇာရူဇဲစကီးရဲ့ အစိုးရကို ပြင်းပြင်းထန်ထန် ဝေဖန်တိုက်ခိုက်ခဲ့သူဖြစ် တာကြောင့် ‘ပုန်ကန်သူလေး’ ရဲ့ ပထမအခန်း ‘ဘယ်လိုပုန်ကန်ရမလဲ’ ကို ရေးခဲ့သူဟာ သူဖြစ်လိမ့်မယ်လို့ ယုံကြည်ရ ပါတယ်။ ကွန်မြူနစ်တွေကို ‘အနီ’ တွေလို့ သုံးတတ်တဲ့သူ့ဓလေ့က ဒါကို ညွှန်ပြနေတယ်လေ။ ‘ပုန်ကန်သူလေး’ ကို ရေးသားဖို့ အမိန့်ပေးခဲ့သူဟာ သူပဲဖြစ်ပြီး၊ သူ မရေးတဲ့အပိုင်းတွေကို ကိုယ်တိုင် တည်းဖြတ်ခဲ့သူ ဖြစ်တယ်လို့ ပြောပြခဲ့ပါတယ်။
‘ပုန်ကန်သူလေး’ ကို အရေအတွက် ဘယ်လောက် ထုတ်ဝေခဲ့တယ်ဆိုတာရယ်၊ ထုတ်ဝေရေးအစု ဘယ်လောက်က ထုတ်ဝေခဲ့တယ်ဆိုတာတွေကတော့ မှန်းဆဖို့ခက်ပါတယ်။ စာအုပ်အတော်များများမှာတော့ ‘ဖတ်ပါ’၊ ‘ဖတ်ပြီးရင် လက်ဆင့်ကမ်းပါ’၊ ‘တတ်နိုင်ရင်သင့် ဖာသာသင် ပုံနှိပ်ထုတ်ဝေပါ’ ဆိုတဲ့ အမှာတွေနဲ့ချည်းပါ။ ဒီစာစောင်ဟာ ပိုလန်ရဲ့ (၁၉၈၂) ဆောင်းဦးရာသီမှာ အပေါ်လွင်ဆုံးစာစောင်တခု ဖြစ်ခဲ့ပါတယ်။ လျှော့လျှော့ ပေါ့ပေါ့ ခန့်မှန်းရင်တောင် သောင်းဂဏန်း၊ သိန်းဂဏန်းအထိ ဖြန့်ချိနိုင်ခဲ့တယ်လို့ မှန်းရပါတယ်။

အနောက်ဥရောပမှာ အနည်းဆုံး မူနှစ်မူ ရိုက်နှိပ်ထုတ်ဝေခဲ့ပြီး၊ ပုံမှန်အရွယ်နဲ့ အရွယ်သေးဆိုက်တွေကို ပိုလန်ပြည်တွင်း ခိုးသွင်းနိုင်ခဲ့ပါတယ်။ ဒီဘာသာပြန်ဟာ Roman M Boreyko (အမည်ဝှက်)နဲ့ Andre Ya Dean တို့ရဲ့ ပူးပေါင်းကြိုးပမ်းမှုဖြစ်ပါတယ်။ ဘာသာပြန်မူကို တိကျအောင် ဗြိတိန်နိုင်ငံမှာရှိတဲ့ ပိုလန်လူမျိုး အသိုင်းအ၀ိုင်းထဲကတဦးက ကူညီခဲ့ပါတယ်။ ဒီလူကလဲ နာမည်မဖေါ်လိုပါ။ ဘာပဲဖြစ်ဖြစ် သူ့ရဲ့ အဖိုးတန်လှတဲ့ အကူအညီနဲ့ထောက်ခံအားပေးမှုကိုတော့ ကျေးဇူးစကား ဆိုချင်ပါတယ်။

ကျွန်တော်တို့ဟာ မူရင်းရေးသားသူရဲ့စိတ်ဓါတ်နဲ့အာဘော်ကို အမှီလိုက်ချင်ပေမဲ့ အကြိမ်ပေါင်းများစွာပဲ အခက်အခဲတွေ့ခဲ့ရပါတယ်။ ဘာလို့လဲဆို “ပုန်ကန်သူလေး” ရဲ့ အရေးအသားဟာ ခပ်မြူးမြူး ခပ်လှောင်လှောင် ရေးထားတာကြောင့်ပါ။ ဟာသဟာ ဒီစာစောင်ရဲ့ ခွဲခြားမရနိုင်တဲ့ အစိတ်အပိုင်းဖြစ်နေတာကြောင့် ဒါကိုတော့ ကျွန်တော်တို့ တတ်နိုင်သလောက် ထိန်းသိမ်းခဲ့ပါတယ်။

ဘန်းစကားတွေ အလွန်အကျွံသုံးထားတာကိုလည်း အနီးစပ်ဆုံး အမေရိကန် ဘန်းစကားတွေနဲ့ ဖလှယ် ထားပါတယ်။ တချို့နေရာတွေမှာ ရှင်းလင်းချက်တွေ။ ထင်မြင်ချက်တွေ ထည့်ပေးဖို့လိုတာကိုလည်း အခါအားလျော်စွာ တွေ့ရတတ်တာကြောင့် စာဖတ်သူတို့ အကျိုးအတွက် (လက်သည်းကွင်း) အတွင်း ထည့်ပေးထားပါတယ်။ ‘နိုင်ငံသားနှင့်လျို့ဝှက်ပုလိပ်’ အခန်းမှာတော့ ဘယ်အပိုင်းကအသစ်၊ ဘယ်အပိုင်းက ပြန်ပြင်ရေးထားတာ။ ဘယ်အပိုင်းက Nowa ရဲ့ မူရင်းဆိုတာတွေ ပြထားပါတယ်။

(မူရင်း) ထုတ်ဝေသူ၏အမှာ
‘ပုန်ကန်သူလေး’ပါ ဆောင်းပါးတွေဟာ ခုချိန်ထိ ယာယီအားဖြင့် လွတ်လပ်နေတဲ့ သူတွေရဲ့ စုပေါင်းကြိုးပမ်းချက်ပါ။
ဒီစာအုပ်လေးရဲ့ပထမပိုင်းကိုဖတ်ပြီးရင်၊ ကျန်တဲ့နှစ်ပိုင်းရဲ့အကြံဉာဏ်ကို ယူစရာမလိုတော့ပါ။ ဒါပေမယ့် ဒုတိယပိုင်းကို ဖတ်ပြီးရင်တော့၊ တတိယပိုင်းကိုဖတ်တဲ့အတွက် ဘာ့ကြောင့်တရားမစွဲနိုင်ဘူးဆိုတဲ့ ဥပဒေဆိုင်ရာ အကြောင်းအချက် တွေကို ရပါလိမ့်မယ်။ တတိယပိုင်းကိုဖတ်ပြီးရင်တော့၊ ဒီစာအုပ်လေးပါ အကြောင်းအရာတွေကို နားလည်အောင် ကြိုးစားသင့်တယ်ဆိုတာ သိလာပါလိမ့်မယ်။ ။

မာတိကာ
(က) ဘယ်လိုပုန်ကန်ရမလဲ (လက်သစ်များနှင့် ၀ါရင့်များအားလုံးအတွက်လမ်းညွှန်) How to conspire: A Guidebook for both beginners and the advanced
• မူလ
• မြေအောက်
• ကုမ္မဏီ
• ကုန်စည်
• ဘဏ္ဍာရေး
• အစည်းအဝေးများ
• ဆက်သား
• မှတ်စုစာအုပ်
• တယ်လီဖုန်းအဆက်အသွယ်
• ချကွက်သေ
• ရုံးသွား
• အံဝှက်များ
• မြေအောက်ပုံနှိပ်စက်
• ပုလိပ်
• အမြီး
• အိုး (ထောင်ချောက်)
• စီးနင်းခြင်း
• ထောင်တွင်းဘ၀
• နာကျင်မှု
• ဆိုဗီယက်ပုံစံသွင်းခြင်း
• ကြောက်ရွံ့မှု
• အချက်ပြ
• စိတ္တဇ
• သိဖို့လိုသည်
• လွတ်လပ်ရေး
(ခ) နိုင်ငံသားနှင့်လျှိ့ဝှက်ပုလိပ် The Citizens Vs the Secret Police
• သမ္မန်စာ
• ထိန်းသိမ်းခြင်း
• ရှာဖွေခြင်း
• စစ်ကြောရေး
(ဂ) စစ်ကြောရေးကစားပွဲကြီး The Interrogation Game
(ဃ) ရည်ညွှန်းစာစုစာရင်း The Biblography

ဘယ်လိုပုန်ကန်ရမလဲ

(ပိုလန်ရှိ ဆိုဗီယက်ကွန်မြူနစ်ဆန့် ကျင်ရေးတိုက်ပွဲ)
မူလဇစ်မြစ်

အချို့သော ပိုလန်လူမျိုးများအဖို့တော့ အနီတွေကို ဆန့်ကျင်တဲ့တိုက်ပွဲဟာ ပိုလန်ကို ဆိုဗီယက်တွေ ၀င်သိမ်းတဲ့ (၁၉၄၄)ကတည်းက စခဲ့တာပါ။ အခြားသူတွေအတွက်တော့ ကွန်မြူနစ်ဆန့်ကျင်ရေးတိုက်ပွဲဟာ (၁၉၅၆) ‘ပိုလန်အောက်တိုဘာတော်လှန်ရေး’မှာစခဲ့ပါတယ်။ ဒီလိုပဲ Ursus and Radom “အာစူး” နဲ့ “ရာဒွန်း”မှာ ဇွန် အလုပ်သမား ရိက္ခာလုပွဲတွေ ဖြစ်တဲ့ (၁၉၇၆) ထိ ဒီစည်းရုံးမှုမရှိသေးတဲ့ လှုပ်ရှားမှုထဲကို လူတွေ ၀င်လာမစဲ ရှိပါသေးတယ်။

အချို့သောသူတွေအတွက်တော့ သွေးစည်းညီညွတ်ရေးအဖွဲ့ Solidarity (ဆော်လစ်ဒါရတီ)ကို စတင် မွေးဖွား လိုက်တဲ့ နေ့ကစပြီး ဒီလှုပ်ရှားမှုကြီးစပါတယ်။ အလားတူပဲ အချို့သူတွေအတွက်တော့ General Jaruzelski ဗိုလ်ချုပ်ကြီး ဇာရူဇဲစကီးက စစ်အုပ်ချုပ်ရေးကြေညာလိုက်တဲ့ (၁၉၈၁) ဒီဇင်္ဘာ (၁၃) ရက်က ဒီလှုပ်ရှားမှုကိုစခဲ့ပါတယ်။ ဘယ်လိုပဲ ဖြစ်ဖြစ်။ ဘယ်လိုပဲ စခဲ့၊ စခဲ့ပါ။ သေချာတာကတော့ ဒီ ကြမ္မာငင်တဲ့ ဒီဇင်္ဘာတရက်မှာပဲ ပုန်ကန်မှု ဖြစ်တော့မယ်ဆိုတဲ့ အသိကို အားလုံးပဲရခဲ့ပါတယ်။ အဲဒီ အခိုက်အတန့်ကလေးမှာပဲ ပိုလန် လူ့အဖွဲ့အစည်းဟာ ကြောက်ရွံ့မှု တံတိုင်းကြီးကို ကျော်ဖြတ်နိုင်ခဲ့ပြီး၊ ‘လျို့ဝှက်တဲ့ မြေအောက်လှုပ်ရှားမှုတရပ်ကသာ လွတ်လပ်ရေးကို အရယူပေးနိုင်တယ်’ ဆိုတာ ဘယ်သူ့ကိုမှ ဖြောင်းဖျပြောနေစရာ မလိုတော့ပါဘူး။ ‘ဒီနည်းလမ်းနဲ့သာ လွတ်လပ်တဲ့ လူမှုအဆောက်အဦတွေကို တည်တံ့နေစေလိမ့်မယ်၊ ညတွင်းချင်း ဖြိုဖျက်ခံရမယ့်အန္တရာယ်က ကင်းဝေးစေလိမ့်မယ်’ လို့ ယုံကြည်စေခဲ့ပါတယ်။

‘အနီတွေနဲ့ပတ်သက်လာရင် ဘယ်တော့မှ လျှော့မတွက်ပါနဲ့’၊ ကိုယ့်ဖက်က အလျှော့ပေးစရာ၊ အနာခံစရာ ရှိတာကို အနည်းဆုံးဖြစ်အောင် ဂရုစိုက်ပါ။ သူတို့သိတဲ့ ဥပဒေတခုပဲရှိတယ်။ ‘လက်တချောင်းရရင်၊ လက်တဖက်လုံး ရရမယ်တဲ့’။ သူတို့ကို လက်တချောင်းပေးလိုက်ရင် သင်ကိုယ်တိုင် မသိလိုက်ခင်မှာပဲ၊ လက်တဖက်လုံးပါတော့မယ်။

ပိုလန်ပြည် ပုန်ကန်မှုဖြစ်စဉ်ဟာ အာဏာပိုင်တွေနဲ့ သူတို့ရဲ့လှုပ်ရှားမှုတွေဟာ တရားမ၀င်ဘူးဆိုတဲ့အပေါ်မှာ အခြေခံပါတယ်။ ကွန်မြူနစ်တွေဟာ သူတို့လက်မှတ်ထိုးထားတဲ့ လူ့အခွင့်အရေးစာချုပ်တွေကိုသာ ဖောက်ဖျက်တာ မဟုတ်ဘူး။ သူတို့ကိုယ်တိုင်ရေး ဆွဲထားတဲ့ ဖွဲ့စည်းပုံအခြေခံဥပဒေကိုတောင် လိုက်နာတာမဟုတ်ဘူး။ ဒါတင်လား ဆိုတော့ မဟုတ်သေးဘူး။ မြေတိုက်ခန်းတွေ မထားရဘူးဆိုတဲ့ ပုလိပ်ညွှန်ကြားချက်တွေကိုလည်း လိုက်နာတာမဟုတ်ဘူး။

မြေအောက် Underground
(အစည်းအရုံး) (Organization)

အကြွင်းမဲ့ လျို့ဝှက်ကြံစည်ရေး (ပုန်ကန်ရေး) ဆိုတဲ့အယူအဆဟာ အားလုံးသိတဲ့ စံပြပုံစံပါ။ အဲဒါကတော့ အဖမ်းခံရမှာစိုးလို့ အခန်းကျဉ်းလေးထဲ တံခါးပိတ်နေပြီး၊ ဘာမှ မလုပ်တဲ့နည်းပါ။ နောက်တခုက မြေအောက်ခန်းထဲမှာနေ၊ ကမ္ဘာအနှံ့ အရပ်လေးမျက်နှာကို ဆက်သားတွေလွှတ်နေတဲ့လူကလည်း ပုန်ကန်ရေးလုပ်လို့မရပါ။ တကယ့် လျို့ဝှက် ကြံစည်ရေးသမားဟာ ပုလိပ်ကအလိုရှိနေတဲ့သူ မဖြစ်စေရဘူး။ ‘နောက်ယောင်ခံအလိုက်ခံနေရသူ’ မဖြစ်စေရဘူး။ Polish Secret Police UB (ပိုလန်လျို့ဝှက်ပုလိပ်တပ်ဖွဲ့) က သူ့အကြောင်း ဘာမှမသိသူသာ ဖြစ်ရမယ်။ အရပ်ဝတ် လျို့ဝှက် ပုလိပ်တပ်ဖွဲ့ဝင်တွေနဲ့ တအိမ်ထဲ အထပ်ခွဲနေပြီး။ အလုပ် လုပ်နိုင်သူ သာဖြစ်ရမယ်။

မြေအောက်အစည်းအရုံးလေးတခုကို သင်စတင်တည်ထောင်ပြီဆိုတာနဲ့ အရေးအကြီးဆုံးက ပထမ သင်နဲ့အတူ တွဲဖက်ကြံစည် (ပုန်ကန်)မယ့်သူတွေကို သင့်ရဲ့ အရင်းနှီးဆုံးမိတ်ဆွေတွေထဲက ရှာဖွေပါ။ ဒီလူတွေဟာ သင် နှစ်ပေါင်း များစွာသိခဲ့သူ၊ နောက်ကြောင်းရှင်းသူတွေ ဖြစ်ရပါမယ်။ သင့်မြေအောက် အဆောက်အဦလေးကို အခြေခံ တည်ဆောက် မိပြီဆိုတာနဲ့ နောက်လုပ်ရမယ့်အလုပ်က အခြား မြေအောက် အစုများနဲ့ ဆက်သွယ်မိဖို့ပါ။ တကယ် စစ်မှန်တဲ့ မြေအောက်အဖွဲ့အစည်းတခုမရှိပဲနဲ့ ဆရာကြီးဂိုက် မဖမ်းပါနဲ့။ အဲဒီလို လုပ်မိရင် တကယ်မရှိတဲ့၊ စိတ်ကူးယဉ်ဆန်တဲ့၊ မြေအောက်အဆောက်အဦကို ဖန်တီးမိလျက်သား ဖြစ်နေလိမ့်မယ်။ သင့်လိုပဲ စိတ်ကူးထဲမှာသာ မြေအောက်အဆောက် အဦရှိတဲ့သူတွေနဲ့ ဆက်သွယ်မိလျက်သား ဖြစ်နေလိမ့်မယ်။

လိုတာက.. လုံ့လ၊ ၀ီရိယရှိတဲ့၊ ရိုးသားမှုရှိတဲ့ လူတယောက်ပါ။ ဒီလိုလူမျိုးက မြေအောက်အဆောက်အဦကို တည်ဆောက်ဖို့လိုပါတယ်။ ဒါပေမယ့် အဲဒီအရာ ရှိလာပြီဆိုတာနဲ့ အချိန်နဲ့ စွမ်းအားတွေ အများကြီးသုံးပြီး၊ အစစ်အမှန်နဲ့ စိတ်ကူးယဉ်မှုကို ခွဲခြားနိုင်ရမယ်။ အလုပ်ဖြစ်တဲ့ အဖွဲ့အစည်းတခု ဖြစ်လာအောင် ကြိုးပမ်းရမယ်။

Samosierra ဆာမာဆီယာ (စပိန်ကျွန်းဆွယ်စစ်ပွဲမှာ ပိုလန်မြင်းတပ်က ဆာမာဆီယာ တောင်ကြားက အခိုင်အခန့်လုပ်ထားတဲ့ အမြောက်စခန်းတွေကို တိုက်ခဲ့တဲ့စစ်ပွဲ)တိုက်ပွဲကြီးကို လူတွေ မမေ့ကြသေးပေမယ့် တကယ် အသက်စွန့် လုပ်သွားတဲ့သူကတော့ သိပ်မများလှပါဘူး။ ဒါကြောင့် သင့်လူများနဲ့ သင်ကိုယ်တိုင်ရဲ့ လုံခြုံရေးကို သတိထားဖို့ လိုပါတယ်။

မြေအောက်လုပ်ငန်းကိုစတာနဲ့ ကြုံရတတ်တာက အခြေခံပြင်ဆင်ရေးလုပ်ငန်းတွေကို မလုပ်နိုင်တော့တာပါ။ ဘာပဲဖြစ်ဖြစ် ခုလို အခြေခံသတိမူရမယ့် အချက်တွေကို မလုပ်မိတာဟာ လူထုကြီးရဲ့ မျှော်မှန်းချက်ကို အချိန်မီ ဖြည့်ဆည်း မပေးနိုင်တာထက် အန္တရာယ် ပိုများပါတယ်။

ပြည်သူလူထုနဲ့ တသွေးတည်း တသားတည်း ရှိကြောင်းပြတာကို ဘယ်ပုံစံနဲ့မဆို မြေအောက်အဖွဲ့အစည်း ကနေ ကြိုဆိုသင့်ပါတယ်။ တိတ်ဆိတ်နေတဲ့ လူများစုကြီးက ကျနော်တို့နဲ့ အတူရှိနေတယ်ဆိုတဲ့ပုံစံ ဖြစ်ဖို့လည်း လိုပါတယ်။ ဒါပေမယ့် သူတို့ကိုတော့ ဒီလို လျို့ဝှက်လုပ်ငန်းထဲ ဆွဲမသွင်းပါနဲ့။ မျိုးချစ်စိတ်ဓါတ်အကြောင်းရေးထားတဲ့ ၀တ္ထုတွေမှာသာ ဒါမျိုးကို တွေ့ရပါလိမ့်မယ်။

မြေအောက်တော်လှန်ရေးသမားတွေ ကြုံရလေ့ရှိတဲ့ အခြေခံအမှား (၂) ခုရှိတယ်။ ပထမတခုက ကိုယ့်ကိုယ်ကို ကြီးကျယ်အောင်လုပ်တာ။ ကြီးကျယ်တယ်လို့ ထင်နေတာ။ မြေအောက်တော်လှန်ရေးသမားမှာ ဒီရောဂါစွဲသွားရင် လူထုထောက်ခံမှုကို ဆုံးရှုံးရတော့မယ်။ နောက်အမှားက ‘အမှန်တကယ် စွန့်စွန့်စားစားလုပ်ဖို့ ပြင်ဆင်ထားတဲ့သူက အနည်းစုလေးပဲရှိတာကိုမေ့ပြီး၊ လူထုကို အရမ်းထင်ထားတာ’ ဖြစ်တယ်။

မြေအောက်အစုဟာ ကုသိုလ်ဖြစ် အဖွဲ့အစည်း မဟုတ်ပါ။ ပိုင်းဖြတ်မှုရှိတဲ့လူတရာက တ၀က်တပျက်သာ စိတ်ဝင်စားတဲ့ လူတယောက်ရဲ့ စေသည့်ကျွန်၊ ထွန်သည့်နွား ဖြစ်ရန် မလိုပါ။ သူတို့ဟာ ဘယ်လောက်ပဲ ရိုးသားသည် ဖြစ်စေ၊ သူတို့ရဲ့ စည်းစိမ်ဥစ္စာကိုတော့ မစွန့်လွှတ်လိုပါ။ သူတို့မူက “ခင်ဗျားတို့က ဂုဏ်သိက္ခာနဲ့နေတယ်။ ကျနော်တို့က ဇိမ်နဲ့နေမယ်”။

ကုမ္ပဏီ The Company
(မြေအောက်အစုသည် စီးပွားရေးလုပ်ငန်းကြီးတခုနှင့်တူသည်)
မြေအောက်အစုသည် သေချာကျနစွာ စည်းရုံးဖွဲ့စည်းထားမှသာ စည်းလုံးညီညွတ်စွာ၊ ထိရောက်စွာ အလုပ်လုပ်နိုင်မယ်။ တဦးချင်းစီ အောက်ခြေက စတင်ဖွဲ့စည်းရမယ်။ နိုင်ငံရေးအမြင် ကွဲလွဲပေမယ့် ပိုလန်ပြည်ကြီး လွတ်မြောက်ရေးဆိုတဲ့ ဘုံဦးတည်ချက်နဲ့ လွတ်လပ်သော၊ အာဏာပိုင်စိုးသော လူမှုအဖွဲ့အစည်းတခု ဖြစ်လာစေရမယ်။ ဒုတိယကမ္ဘာစစ်အတွင်း တပ်တွင်းမြေအောက်လုပ်ငန်းဟာ ပိရမစ်ပုံစံ ဒေါင်လိုက် ဖွဲ့စည်းထားဟန် ရှိပေမယ့်လည်း၊ အမှန်စင်စစ် လွတ်လပ်သော “ကုမ္ပဏီများ” ရဲ့ လုပ်ငန်းအရ ဆက်စပ်ထားတဲ့ စုပေါင်း အဖွဲ့အစည်း တခုသာဖြစ်တယ်။

ကုမ္ပဏီအချင်းချင်းအကြား လူထုထောက်ခံမှုရဖို့နဲ့ ကြီးထွားဖို့ ယှဉ်ပြိုင်တာဟာ မြေအောက်အဖွဲ့အစည်း လုံခြုံမှုကို အန္တရာယ်လည်းမဖြစ်စေနိုင်၊ ထိလည်း မထိခိုက်နိုင်။ သို့သော် ထိခိုက်စေတာ၊ အန္တရာယ်များစေတာဟာ ကွဲလွဲတဲ့၊ ကျင့်ဝတ်နဲ့ မညီညွတ်တဲ့ တရားနည်းလမ်းမကျတဲ့ ပြိုင်ဆိုင်မှုသာဖြစ်တယ်။

အဲဒီဖြစ်ရပ်မျိုး ဒုတိယ ကမ္ဘာစစ်အတွင်းက ဖြစ်ခဲ့ဖူးတယ်။ မြေအောက် အစည်းအရုံးရဲ့ဥပဒေဟာ အစုငယ်က ကြီးမားတဲ့ လုပ်ငန်းကို လုပ်နိုင်တယ်ဆိုတာ ဖြစ်ပါတယ်။ အစုဟာ ကိုယ်ပိုင်လွတ်လပ်ခွင့်ရှိလေလေ ချေမှုန်းခံရဖို့ အခွင့်အလမ်း နည်းလေလေ၊ ပြဿနာနည်းလေလေ ဖြစ်ပါတယ်။ ပြင်ပအဆက်အသွယ်ရော အစုတွင်း အဆက် အသွယ်ကိုပါ အနည်းဆုံးဖြစ်အောင် လုပ်ထားရမယ်။

စနစ်ကျနတဲ့ စီးပွားရေးလုပ်ငန်းကြီးတခုလိုပဲ။ သီးသန့်ကလာပ်စည်းတခုစီဟာ ကုန်ချောကို တခြားကုမ္ပဏီများ သို့ အနည်းဆုံးအဆက်အသွယ်နဲ့ပေးပို့ရမယ်။ ဒါဟာ သင့်အစုအတွက်ကော။ အခြားအစုများအတွက်ပါ အန္တရာယ် မကျရောက်ဖို့ လိုအပ်ပါတယ်။ မြေအောက်အစုမှာ ကျိုးကြောင်းဆီလျော်တဲ့ စီးပွားရေးလုပ်ငန်းကြီးများရဲ့ စီမံခန့်ခွဲမှု နည်းစနစ်တွေ ကျင့်သုံးဖို့လိုပါတယ်။ ဒါဟာ ကွန်မြူနစ်တွေက ဖျက်ဆီးပစ်ဖို့ ကြိုးစားနေတဲ့အရာပဲ။

မြေအောက်အစုဟာ ကုမ္ပဏီတခုလိုပဲ ကြီးထွားလာတဲ့အခါ၊ ကုမ္ပဏီခွဲတွေ လိုလာတယ်။ ရှိလာရတယ်။ ဒါကို ဘာလို့လဲဆိုတာ အရင်ကြည့်ဖို့ အခြေခံ အောက်ခြေယူနစ်က စရမယ်။ (အရင် Flying University မိုးပျံတက္ကသိုလ်ပုံစံ လိုပဲ အခြေအနေက လိုအပ်လာပြီဆိုတာ သေချာတော့မှ ကျောင်းသုံးစာအုပ်တွေရိုက်ဖို့ ပုံနှိပ်စက်တွေထောင်၊ ဒီပုံနှိပ်စက်တွေကပဲ တရားမ၀င် ကျောင်းသုံးစာအုပ်တွေအတွက် စာကြည့်တိုက်တွေထောင်ခဲ့ကြတယ်။) သီးသန့်ကလာပ်စည်းသစ်တခု၊ ကုမ္ပဏီခွဲတခုထောင်ဖို့ လိုပြီဆိုတာကို ဗဟိုချုပ်ကိုင်မှုစနစ်အရ အထက်က ဆုံးဖြတ်ရမယ်ဆိုတဲ့အယူအဆဟာ ကျနော်တို့ခေတ်ပြိုင် ပိုလန်အတွေးအခေါ်တွေထဲ ဆိုဗီယက်ပုံစံ အသွင်းခံထား ရတာကိုပြတဲ့ မှားယွင်းတဲ့၊ ပုံစံကျတဲ့၊ ဖော်ပြချက်တခုပဲ။

အလားတူအမှားက လူမှုတရားမျှတမှုဆိုတဲ့ အကြောင်းပြချက်နဲ့ အရာရာ အညီအမျှခွဲဝေရေး သဘောတရားပဲ။ မြေအောက်လုပ်ငန်းမှာ လုံခြုံရေးသည်သာ အဓိက။ လူမှုတရားမျှတမှု မဟုတ်ဘူး။ ကလာပ်စည်းဟာ သင်တို့အားလုံးရဲ့ ကလာပ်စည်းပဲ။ ဦး‘က’ကြီး တယောက်ထဲရဲ့ ကလာပ်စည်းမဟုတ်။ အံဝှက်တွေလုပ်ဖို့ လက်သမားတယောက်ကို ရထားပြီဆိုပါစို့။ အဲဒီလက်သမားကို တခြားကလာပ်စည်းတွေထံ အလားတူလုပ်ငန်းလုပ်ဖို့ လွှဲပေးရန်မလိုပါ။ သူတယောက်ထဲက အများကြီး သိသွားရင် သူအဖမ်းခံရတဲ့အခါ အများကြီးဒုက္ခပေးလိမ့်မယ်။

မြေအောက်ယူနစ်တခုဟာ လုပ်ငန်းစပြီဆိုတာနဲ့ ခေါင်းဆောင်မှုအဖွဲ့ဟာ မလိုအပ်တဲ့ ပြင်ပအဆက်အသွယ် အားလုံးကို ဖြတ်ပြီး၊ အနည်းဆုံးသာ ထားရှိရမယ်။ လျို့ဝှက် ပုလိပ်တပ်ဖွဲ့ UB ကို ထားတာရဲ့ ရည်ရွယ်ချက်ကိုက ဒီလို ကုမ္ပဏီတွေကို ဖျက်ဆီးပစ်ဖို့ပဲ။ သူလုပ်နိုင်တဲ့နည်းက (၂) နည်းရှိတယ်။ ပထမတခုက ကလာပ်စည်း ခေါင်းဆောင်စု အဖွဲ့ကို တွေ့အောင်ရှာ၊ ဒီလူကို နောက်ယောင်ခံပြီး၊ တမြုံလုံးကိုဖမ်းဆိုတဲ့နည်း။ နောက်တနည်းက ပွေးမွေးပြီး ကိုယ့်ထဲ ထည့်ထား။ ဒီပွေးက တစုံတရာ တာဝန်ရှိတဲ့နေရာကိုရောက်ပြီး၊ အတော်များများကို သိပြီဆိုမှ ဒုက္ခပေးတဲ့နည်း။

ဘာပဲဖြစ်ဖြစ် မြေအောက်စည်းကမ်းတွေကို လိုက်နာပါ။ မတော်တဆ ဖမ်းမိတာလေးက တမြုံလုံးဖမ်းမိတာမျိုးး မဖြစ်သင့်ပါ။ နောက်တချက်က ခေါင်းဆောင်မှုကို မိသွားပြီဆိုရင်တောင်၊ ကလာပ်စည်းက ဆက်လှုပ်ရှားနိုင်ရမယ်။ ဒါမျိုးဟာ ဆိုဗီယက်ပုံစံမဟုတ်တဲ့ အဖွဲ့အစည်းတွေမှာသာ ဖြစ်နိုင်တယ်။ အလယ်ဆင့်နဲ့ အောက်အဆင့်က ဆုံးဖြတ်ချက် ချမှတ်လိုစိတ်လည်း ရှိရမယ်။ ချမှတ်နိုင်စွမ်းလည်း ရှိရမယ်။

ဒီစိမ်ခေါ်မှုကို မရင်ဆိုင်နိုင်ရင် ဒါဟာ ကျနော်တို့ ပိုလန်ပြည် လူ့အဖွဲ့စည်းတခုလုံး ဘယ်လောက်အထိ ဆိုဗီယက်ပုံစံ သွင်းခံထားရသလဲဆိုတာကို ပြတာဖြစ်မှာပဲ။

ကုန်စည် Merchandise
ဘယ်နေရာမှာမှ အစထွက်မနေမှ ပုန်ကန်မှုလုပ်ငန်းဟာ ချောမွေ့မယ်။ အပြီးမသတ်ရသေးတဲ့ ကုန်ချောကိုပို့တာ ရာဇ၀တ်မှုပဲ။ ဒါဟာ ဆိုဗီယက်ပုံစံ စီးပွားရေးလက္ခဏာာပဲ။ ဒါမျိုး မဖြစ်ရဘူး။ မြေအောက်လုပ်ငန်းမှာ ပစ္စည်းတိုင်းကို လက်ဆောင်ထုပ်သလို သေသေချာချာ ထုပ်ပိုးထားပြီး၊ ငွေလင်ဘန်းပေါ် တင်ပို့တာမျိုးသာ ဖြစ်ရမယ်။ ဒါဟာ ကုန်ပစ္စည်းပို့တာပဲဖြစ်ဖြစ်၊ သတင်းပို့တာပဲဖြစ်ဖြစ်၊ အစည်းအဝေး လုပ်တာပဲဖြစ်ဖြစ်၊ ဒီအတိုင်းပဲ ဖြစ်ရမယ်။ လျို့ဝှက်တွေ့ဆုံပွဲတခုလုပ်ဖို့ အချိန်၊ နေရာ၊ လူဦးရေစတာတွေကို ကြိုပြီး သတ်မှတ်ထားရမယ်။

သတင်းပို့စရာရှိရင်လည်း သတင်းကို သေချာအောင်ပြင်ဆင်ပြီး ချရေးထားရမယ်။ ဒါမှမဟုတ်ရင် အချက် အလက်တွေ လွဲချော်သွားနိုင်တယ်။ မေ့သွားနိုင်တယ်။ အတင်းအဖျင်းအဖြစ် ယုတ်လျော့သွားနိုင်တယ်။

ဒီလိုပဲ လက်ကမ်းစာစောင်တွေကို မြေအောက်ပုံနှိပ်တိုက်တွေက ပို့စရာရှိရင်လည်း သေချာထုပ်ပိုး ချည်နှောင်ရမယ်။ အရေအတွက်ကို ထုပ်ပိုးစက္ကူပေါ်မှာ ရှင်းရှင်းလင်းလင်း ရေးထားရမယ်။ ဒီလို လုပ်ထုံးလုပ်နည်းတွေကို သေချာလိုက်နာရမယ်။ ဒီလို မလုပ်မိရင် အထုပ်ဟာ လမ်းမှာပဲ ပျောက်သွားနိုင်တယ်။ ပုလိပ်က ဘယ်ကလာတယ်။ ဘယ်ကိုပို့မလို့ဆိုတာ ခြေရာခံနိုင်သွားလိမ့်မယ်။

အခုလို ပျက်စီးကျဆုံးနေတဲ့ ကွန်မြူနစ်ဝါဒခေတ်ကြီးမှာ (၁၉၄၀)ခုလယ်ကတည်းကတွက်ရင် ကိုယ့်လုပ်အားရဲ့ အသီးအပွင့်ကို ခံစားနိုင်တာမှာ ကျနော်တို့ ပိုလန်မြေအောက် တော်လှန်ရေးသမားတွေဟာ ပထမမျိုးဆက်ပဲ။ ဒီအရသာကို ခံစားပါ။ သင့်အချိန်ကို ကောင်းစွာအသုံးချပါ။

ဥပမာပြရရင်.. သင့်ကို ဦး‘က’နဲ့ ဦး‘ခ’ကို တွေ့ပေးဖို့ကြားလူ ဦး‘ဂ’က တဆင့် စီစဉ်ခိုင်းတယ်ဆိုပါစို့။ ဦး‘ဂ’ကို “ဦး‘က’က ဦး‘ခ’ကို တွေ့ချင်ပါတယ် ခင်ဗျ”လို့ သွားပြောပြီး အချိန်မဖြုန်းပါနဲ့။ ဦး‘ဂ’ကို ဒုတိယ အကြိမ် ထပ်တွေ့မယ့် အစား၊ ဦး‘ခ’ ကို တွေ့ပြီး တခါထဲ အစီအစဉ်ကိုပြောပါ။

ဒါပေမယ့် ဦး‘က’က ဦး‘ခ’ကို တွေ့ချင်တဲ့အကြောင်းပြောတဲ့အခါ၊ တွေ့ဖို့အချိန်နဲ့ နေရာကို တခါတည်း ပြောလိုက်ပါ။ အချိန်နဲ့နေရာတခုခု အဆင်မပြေတာရှိရင် ထပ်ပြီး အတည်ပြုချက်ယူဖို့မလိုပါ။ ဒါမျိုးကိုရှောင်ရှားနိုင်ဖို့ အရံနေရာနဲ့အချိန်ကို သင် ပထမ ဆက်သွယ်ရမယ့်ပုဂ္ဂိုလ်ကို ပြောစဉ်ကတည်းက တခါထဲပေးထားပါ။

ဒီတော့ ဒီလိုအစည်းအဝေးမျိုးအတွက် နမူနာသတင်းပို့ချက်ပုံစံက… “ဦး‘က’သည် ဦး‘ခ’ကို ကြာသပတေးနေ့ ညနေ (၅)နာရီ (၁၀)မိနစ်၊ သမတ ၀ီလ်ဆင်လမ်း အပြည်ပြည်ဆိုင်ရာ သတင်းထောက်ကလပ်ရှေ့၊ ယခင် ပဲရစ်ဘုံအဖွဲ့ ရင်ပြင်တွင် တွေ့ဆုံမည်။ သူသည် ဘယ်ဖက်ဂျိုင်းကြားမှာ People's Tribune ပြည်သူ့သံတော်ဆင့် သတင်းစာကို ညှပ်လာမည်။ အရံနေ့ရက်မှာ သောကြာနေ့ ဖြစ်သည်။”

No comments:

Post a Comment