Wednesday, March 4, 2009

The Little Conspirator ပုန်ကန်သူလေး၊ အပိုင်း ၄/၄။

စစ်ကြောရေးကစားပွဲကြီး The Interrogation Game
ကျနော်တို့ စစ်ကြောရေးလုပ်တမ်း ကစားကြရအောင်လား။ ခင်ဗျားက ခင်ဗျားရဲ့ ရဲဘော်တချို့နဲ့အတူ မြေအောက်လုပ်ငန်းလုပ်လို့ အထိန်းသိမ်းခံရ (နောက်တော့ အဖမ်းခံ ရသူ) ဆိုပါစို့။ အမှုရဲ့ ဥပဒေ အခြေခံက အရေးမကြီးပါဘူး။ (အဲဒါက အချိန်မရွေးပြောင်းနိုင်တာပဲ။) ကျနော်က ခင်ဗျားကို စစ်ကြောဖို့ အထက် အရာရှိက တာဝန်ပေးထားခံရ သူဆိုပါစို့။ စစ်ကြောရေးဆိုတာ သတင်းအချက်အလက် တိုက်ပွဲပဲ။ ခင်ဗျားတို့ လူစုရဲ့  လှုပ်ရှားမှုတွေကို ပုံမှန်လုပ်ငန်းဆောင်ရွက်မှု နည်းလမ်းတွေနဲ့ စုဆောင်းထားပြီးပြီ။ (စောင့်ကြည့်တာ၊ ခိုးနားထောင်တာ၊ သတင်းပေးမွေးတာ..စသဖြင့်ပေါ့။)

ကျနော်တို့ လက်ထဲမှာ နည်းပညာပေါင်းစုံ အတော်များများရှိပေမယ့် ဒီနည်းနဲ့စုဆောင်းလို့ရတဲ့ အချက်အလက်တွေကို တရားရုံးမှာ တင်လို့မရဘူး။ (ခင်ဗျားနဲ့ ဦး‘က’ တံခါးဝမှာ အတူရပ်နေတာကို) ကျနော်တို့ စုံထောက်က ခိုးရိုက်ထားတဲ့ဓါတ်ပုံတွေ၊ ခင်ဗျား တယ်လီဖုံးနဲ့စကားပြောနေတာကို ခိုးပြီး အသံဖမ်းထားတဲ့တိပ်ခွေတွေကို တရားရုံးက သက်သေခံအဖြစ် လက်မခံဘူး။ တရားရုံးကလက်ခံနိုင်တဲ့ တခုတည်းသော သက်သေခံချက်က ခင်ဗျားနဲ့ ခင်ဗျားရဲ့ ရဲဘော်တွေပေးတဲ့ ထွက်ချက်ပဲ။ နောက်တခုက တတိယပုဂ္ဂိုလ်ကပေးတဲ့ အမှုနဲ့ဆိုင်တဲ့ ထွက်ချက်ပဲ။ ဒါကြောင့် ခင်ဗျားရဲ့ ထွက်ချက်ဟာ မရှိမဖြစ် အရေးကြီးတယ်။

ဒါကြောင့် ခင်ဗျားရဲ့ထွက်ချက်ကို လုပ်ထုံး လုပ်နည်းတွေအတိုင်း ဒီလက်နှိပ်စက်ပေါ်မှာ သတ်မှတ်ထားတဲ့ ပုံစံအတိုင်း စနစ်တကျ ရိုက်ရမယ်။ စာမျက်နှာတိုင်းမှာ ခင်ဗျားလက်မှတ် ထိုးခိုင်းထားရမယ်။ အမှုတင်ဖို့အတွက် ပြင်ဆင်ရာမှာ ခင်ဗျားထွက်ချက် လိုတယ်။ ဒါပေမယ့် ခင်ဗျားကိုရုံးတင် မလား၊ ဘယ်သူက ပြစ်ဒဏ်ချမှတ်မယ် ဆိုတာကတော့ ကျနော်နဲ့ မဆိုင်ဘူး။ ကျနော်တို့ ယန္တယားရဲ့စနစ်အရ ဒါကိုဆုံးဖြတ်တာက ပုလိပ်မဟုတ်ဘူး။ နိုင်ငံရေးသမားက ဆုံးဖြတ်တာ။ အမှုရဲ့ဥပဒေရလဒ်က ခန့်မှန်းလို့မရတဲ့ နိုင်ငံရေးအခြေအနေပေါ် တည်တယ်။ သင့်ကို စီရင်ချက်ချဖို့ သင့်ထွက်ချက်လိုတယ်။ ပိုအရေးကြီးတာက သင်တို့လှုပ်ရှားမှုကို သိဖို့နဲ့ ဒီအတိုက်အခံ နိုင်ငံရေး လုပ်ငန်းမှာပါနေတဲ့ အခြားသူတွေအကြောင်းသိဖို့ပဲ။ ကျနော်တို့က ခင်ဗျားနဲ့ခင်ဗျားရဲ့ ရဲဘော်တွေအကြား ဆက်ဆံရေးကိုလည်း ဖျက်ဆီးပစ်ချင်တာပဲ။

ကျနော်တို့အတွက် အကြီးကျယ်ဆုံးအောင်မြင်မှုက ခင်ဗျားကို ကျနော်တို့လူအဖြစ် ပြောင်းပစ်ဖို့ပဲ။ (ဒါမှမဟုတ်လည်း အဲဒီလို ထင်ယောင်ထင်မှားဖြစ်အောင်) လုပ်ဖို့ပဲ။ ခင်ဗျားရဲ့ ရဲဘော်တွေအမြင်မှာ ခင်ဗျားဟာ သူတို့အကြောင်း အကုန်ဖွင့်ပြောတဲ့ သစ္စာဖောက်တယောက်ဖြစ်သွားအောင်လုပ်ဖို့က ကျနော်တို့တာဝန်ပဲ။ ထောင်ထဲကနေ စိတ်ဓါတ်ကျ၊ ဘ၀ပျက်ပြီး၊ ထွက်သွားတာကို မြင်ရရင်၊ မြေအောက်လုပ်ငန်းဟာ ဘာမှ အကျိုးမရှိပါဘူးကွာလို့ မြင်သွားအောင် လုပ်နိုင်ရင် ကျနော်တို့ကျေနပ်တယ်။ ဒါကြောင့် ခင်ဗျားကို စကား ပြောလာအောင်လုပ်ဖို့ ကျနော်တို့ ဒါလောက် သောကရောက်နေရတာပဲ။

ခင်ဗျားဟာ ခုထိတော့ ခေါင်းမာမာနဲ့ ပါးစပ်ပိတ်နေတုန်းပဲနော်။ ခင်ဗျားပါးစပ်ကို ပွင့်လာအောင် ကျနော် လုပ်ပြမယ်။ ကျနော့်မှာ အချိန်တွေအများကြီးရှိတယ်။ အချိန်ဟာ ကျနော့်ရဲ့အကြီးဆုံး မဟာမိတ်ပဲ။ ထောင်ထဲက အထီးကျန်ခြင်းနဲ့ စိတ်ဖိစီးမှုက သင့်ခုခံဆန့်ကျင်စိတ်ကို တစတစ တိုက်စားသွားလိမ့်မယ်။ ကျနော်က ခင်ဗျားကို ဘယ်အချိန်မှာ ခြောက်ပြီး၊ ဘယ်အချိန်မှာ ချော့ရမယ်ဆိုတာ ကောင်းကောင်းသိတဲ့ ပညာရှင်။ ဘယ်အချိန်မှာ ခင်ဗျားကို စီးကရက်တလိပ်တိုက်ပြီး၊ ဘယ်အချိန်မှာ စားပွဲကိုထုရမယ်ဆိုတာလည်း ကောင်းကောင်းနားလည်တယ်။

စစ်ကြောရေးတခါပြီးတိုင်း ခင်ဗျားရဲ့တုန့်ပြန်ပုံကို အသေးစိတ် သတင်းပေးနေတဲ့ ကျနော်တို့လူကလည်း ခင်ဗျားနဲ့တခန်းထဲ။ ခင်ဗျားဟာ ရင်ထဲရှိနေတာကို မဆင်မခြင် အသိခံမယ့်သူ မဟုတ်ဘူးဆိုတာလည်း ဖြစ်နိုင်ပါတယ်။ ဒါပေမယ့် အိပ်မရတဲ့ စိတ်ဖိစီးမှုရှိပေမယ့် ကောင်းကောင်းအိပ်ပျော်ပါတယ်လို့ ဖြီးလို့မရဘူး။ ခင်ဗျားရဲ့အတွေးတွေ ဒေါင်ချာစိုင်းနေတဲ့အချိန်မှာ စာတပုဒ်ကို အေးအေးဆေးဆေး ဖတ်နေနိုင်ပါတယ်လို့ ဟန်ဆောင်လို့မရဘူး။ ဒီလိုနဲ့ ခင်ဗျားဟာ ဒီလူကို ခင်ဗျား ထင်ထားနိုင်တာထက် ပိုပြီးဖွင့်ပြောမိတော့မှာပဲ။

ခင်ဗျားမှာ တန်ဖိုးထားတဲ့အရာတချို့ရှိတယ်။ ဒါကို နှစ်နှစ်ကာကာ ယုံကြည်တယ်။ (ဒီတန်ဖိုးထားမှုတွေဟာ ကျနော့်အတွက်တော့ အစိမ်းသက်သက်ဖြစ်ပေမယ့် ခင်ဗျား နှုတ်ဆိတ်နေတာကိုတော့ ဖြိုချပစ်နိုင်တယ်။) ဒီတန်ဖိုးထားမှုတွေဟာ ခင်ဗျား ယုံကြည်မှုတွေရဲ့ အခြေခံတွေပဲ။

KGB and NKVD ကေဂျီဘီ နဲ့ လျို့ဝှက် ပုလိပ်တပ်ဖွဲ့အဖို့ ခင်ဗျားအမှုကို စစ်ဆေးရခက်စေတဲ့အရာတွေ ဖြစ်ပေမယ့် ခင်ဗျား အတွက်တော့ ရှင်းနေတာပဲ။ အဲဒီ အရာတွေကပဲ ခင်ဗျားကို ပျော့သွားအောင်လုပ်လို့ရပါတယ်။ ခင်ဗျားရဲ့ အလွန်ရိုးရှင်းတဲ့ အတ္တဗီဇစိတ်ကိုတွေ့တာနဲ့ ခင်ဗျားတန်ဖိုးထားမှုတွေကို လက်နက်အဖြစ်သုံးလို့ရပြီ။ ခင်ဗျား ထောင်ကျမှာ ကြောက်တာ၊ ထောင်ထဲက စောနိုင်သမျှစောစော ပြန်ထွက်ချင်တာ.. စတာတွေဟာ ကျနော်တို့အတွက် အရေးမကြီးတော့ပါဘူး။ ခင်ဗျားက စကားပြောချင်စိတ်မရှိဘူး။ ကိုယ့်ကိုယ်ကို ကာကွယ်ချင်တယ်။ ဒါမှမဟုတ်လည်း တခြားသူတွေကို၊ ခင်ဗျားရဲ့အရေးတော်ပုံကို ကာကွယ်ချင်တယ်။ ဒါမှမဟုတ်လည်း ခင်ဗျားတို့တိုက်ပွဲရဲ့ ရည်ရွယ်ချက်နဲ့ နည်းလမ်းတွေဟာ ဘယ်လောက် မွန်မြတ် သန့်စင်တယ်ဆိုတာ ပြောကောင်းပြောလိုလိမ့်မယ်။ ဘာပဲဖြစ်ဖြစ်လေ ခင်ဗျား စကားပြောလာပြီဆိုရင်ပြီးတာပဲ။ ကဲ.. ခု ခင်ဗျားနဲ့ကျနော် နှစ်ယောက်စကားပြောကြတော့မယ်။ ကျနော်ကတော့ သေသေချာချာ စစ်ဆေး စမ်းသပ်ခံပြီးသား နည်းဟောင်းကြီးတွေကိုသုံးမှာပဲ။ အံ့သြစရာကောင်းတာက အဲဒီ နည်းဟောင်းကြီးတွေက (၉၀%) လောက် အလုပ်ဖြစ်တယ်ဗျ။

ခင်ဗျားကိုယ်ခင်ဗျား ဒီအခြေအနေနဲ့ နေသားတကျဖြစ်အောင် လုပ်လိုက်ပါဦး။ အလျင်မလိုပါနဲ့လေ။ ဒီစာပိုဒ်တွေကို သေချာ အချိန်ယူဖတ်ပါ။ အချက်တချက်ပြီးတိုင်း ခဏနားပြီးစဉ်းစားပါ။ စိတ္တဗေဒ ပြဇာတ်လေး တပုဒ်လိုလုပ်ပြီး စဉ်းစားပါ။ ကျနော့်နေရာမှာ သူငယ်ချင်းတယောက်ကို စစ်ခိုင်းပြီး ကစားကြည့်ပါ။ ကျနော့်မေးခွန်းတွေကို သက်ရှိ လူတယောက်ရဲ့အသံနဲ့ ကြားရတော့ ပိုအသက်ဝင်တာပေါ့။ ခင်ဗျားရဲ့ တုန့်ပြန်ပုံတွေကို ပြန်ဆန်းစစ်ပါ။ စောဒကတက်ချင်စိတ်ကို ကြိုးစားပြီးဖျောက်ပါ။ ကျနော့်ကို ရှင်းပြဖို့၊ လက်ခံလာအောင် လုပ်ဖို့မစဉ်းစားပါနဲ့။ ကျနော်က အမြဲတမ်းမှန်တဲ့လူ၊ တိတ်ဆိတ်နေတဲ့ အထဲမှာ ခင်ဗျားရဲ့စိတ်ထဲ ခင်ဗျားရဲ့အဖြေတွေကို ပြန်နားထောင်ကြည့်ပါ။

ပြီးတော့မှ ခင်ဗျားသိပ်စိတ်ရှုတ်သွားတဲ့ အချိန်လေးတွေကို ပြန်စဉ်းစားကြည့်ပါ။ မိတ်ဆွေတွေနဲ့ ဘာကြောင့် ဖြစ်ရသလဲ ဆိုတဲ့အဖြေကို တိုင်ပင်ဆွေးနွေးကြည့်ပါ။ အခက်ခဲဆုံး အခြေအနေတွေမှာတောင် ခင်ဗျား ပါးစပ်ပိတ်နေဖို့ လိုတယ်။

တနေ့ကျရင် ဒီဟာတွေဟာ အသုံးဝင်ကောင်း ၀င်လာပါလိမ့်မယ်
၁) ခင်ဗျားမဖြေဘူးဆိုရင်တော့ ခင်ဗျားကို ကျနော်တို့က ဖမ်းရတော့မှာပဲ။ အိမ်ပြန်ချင်ရင် ပြောဗျာ.. ခင်ဗျား ဒီစာစောင်တွေ ဘယ်ကရခဲ့သလဲဆိုတာကို။

၂) ခင်ဗျားအမှုက ဘာမှအရေးမကြီးပါဘူး။ ခင်ဗျား ခုလိုခေါင်းမာနေရင်သာ အစိုးရရှေ့နေက ဖမ်းဖို့ အမိန့် ပေးတော့မှာ။ ဒီလို စာစောင်အမှုတွေ ကျနော်တို့ဆီမှာ တပုံကြီး။ စာစောင်လေးလက်ထဲတွေ့ရုံနဲ့တော့ ဘယ်သူ့ကိုမှ မဖမ်းပါဘူးဗျာ။ ကျနော်တို့ အတွေ့အကြုံအရတော့ ဘယ်သူ့ဆီကနေ၊ ဘယ်ကနေ စာစောင်တွေရတယ်လို့ ပွင့်ပွင့်လင်းလင်း ဖွင့်ပြောတဲ့လူဟာ ဒီဖြန့်ချိရေးထဲမှာ ထဲထဲဝင်ဝင် မပါတာ သေချာတယ်။ သူတို့က ဖမ်းလောက်တဲ့သူတွေ မဟုတ်ပါဘူး။ လက်ကားသမားတွေပဲ ဒို့က စိတ်ဝင်စားတာပါ။ လက်လီသမားတွေကို ဂရုမစိုက်ပါဘူး။ စကားပြောဖို့ ငြင်းဆန် နေတဲ့သူ ကတော့ လက်ကားသမားပဲ။ ခင်ဗျားလိုပေါ့။ ခင်ဗျားစိတ်ကို ပြောင်းလဲလာအောင်လုပ်ဖို့။ ပါးစပ် ပွင့်လာအောင်လုပ်ဖို့ ထောင်ထဲမှာ (၃) လလောက်တော့ သွားနေလိုက်ဦးပေါ့။

၃) ခင်ဗျားကိုဖမ်းရတာ ခုလို ဖွင့်ပြောဖို့ ငြင်းဆန်နေလို့ပဲ။ ခင်ဗျားကို ဦး‘က’ကြီး ရဲ့ထွက်ချက် ဖတ်ပြမယ်။ သူက ဒီကိစ္စထဲမှာ ခင်ဗျားထက် အများကြီးပိုလုပ်ခဲ့တဲ့ သူဆိုတာ ခင်ဗျားသိပါတယ်။ ဒါပေမယ့် ခုသူ လွတ်သွားပြီလေ။

၎) ခင်ဗျား ခုလို ထွက်ချက်ပေးဖို့ငြင်းဆန်နေတာကို ဘယ်တရားရုံးကဖြစ်ဖြစ်၊ အစိုးရရှေ့နေကဖြစ်ဖြစ် အပြစ်ရှိတယ်လို့ ယူဆစရာဖြစ်လာလိမ့်မယ်။ ဒါ ရာဇ၀တ်ကျင့်ထုံးဥပဒေက ဆိုထားတာပဲ။ ပြစ်မှုကျူးလွန်ပြီး ပြစ်မှုကျူးလွန်သူရဲ့ စိတ်နေ သဘောထား ဘယ်လိုရှိတယ်ဆိုတာကို ဘယ်တရားရုံးကဖြစ်ဖြစ်၊ အစိုးရရှေ့နေကဖြစ်ဖြစ် ထည့်သွင်း စဉ်းစားမှာတော့ သံသယဖြစ်စရာမလိုပါဘူး။ အထူးသဖြင့် ပြစ်မှုကျူးလွန်ပြီးကြောင်း ၀န်ခံတဲ့သူတွေ၊ စစ်ကြောရေး အရာရှိတွေကို အမှုအကြောင်း အချက်အလက် ပြည့်ပြည့်စုံစုံ ပြောပြသူတွေကိုပေါ့။ ဒါဟာ အမှုကို တရားရှင်လွှတ်ဖို့။ “ပ”လပ်ဖို့ ဒါမှမဟုတ် မလွှဲမကင်းသာ ရုံးရောက်သွားရင်လည်း သက်သက်ညှာညှာစီရင်ဖို့ လုံလောက်တဲ့ အကြောင်းတွေပဲ။ ခင်ဗျား ချက်ချင်း ထွက်ချက်ပေးသလား။ အတော်ကြာကြာစစ်ပြီးမှ လပေါင်းအတော်ကြာမှ ထွက်ချက်ပေးမလားဆိုတာ တရားရုံး အတွက် အရေးမကြီးပါဘူး။

၅) ဟုတ်လိုက်လေဗျာ။ ခင်ဗျားက သူရဲကောင်းဖြစ်ချင်လို့ ပါးစပ်ပိတ်နေတာကိုး။ ခင်ဗျားက ပိုလန် ပေါင်မုန့်ကို စားပြီး၊ ရန်သူတယောက်လို နှုတ်ပိတ်ထားတော့တာကိုး။ အခုဒီမှာ ခင်ဗျားကို လာစကားပြောနေတာ အပြစ်ကင်းတဲ့သူတွေကို ရွေးထုတ်ဖို့၊ ပိုလန်ပြည်ကြီးကို ကူညီချင်ပေမယ့် အသုံးချခံနေရသူတွေကို တကယ့် ရန်သူအစစ်တွေနဲ့ ခွဲထုတ်ဖို့ပဲ။ အေး.. မင်းကတော့ ရန်သူပဲ။ ဒို့လုပ်ပြီဆိုရင်တော့ မင်း မသက်သာဘူးသာ မှတ်ပေရော့။

၆) မင်းအသက် (၃၀) ရှိပြီနော်။ ယောက်ျားရှိတယ်။ ကလေးနှစ်ယောက်နဲ့။ မင်းကို ထောင်ချလို့ရတဲ့ အထောက် အထားတွေ ဒို့မှာ တပုံကြီးရှိတယ်။ မြေအောက် စာစောင်ဖြန့်ချိမှုနဲ့ စွဲချက်တင်မလား။ အစိုးရကို ဖြုတ်ချရန်ကြံစည်တဲ့ ရာဇ၀တ် မကင်းသော အဖွဲ့အစည်းများတွင် ပါဝင်မှုနဲ့ စွဲချက်တင်မလား။ ကြိုက်တာလုပ်လို့ ရတယ်။ ဒုတိယအမှုနဲ့သာ ရုံးတင်လိုက်လို့ကတော့ စစ်ခုံရုံးနဲ့စစ်မှာ။ အောက်ထစ် (၅) နှစ်ပဲ။ (၅) နှစ်ဆိုတာ အမျိုးသမီးတယောက်အတွက်တော့ အတော်ကြာတာနော။ ယောက်ျားတယောက်ထက် စာရင်ပေါ့လေ..။ ထောင်က ထွက်လာရင် ထောင်ကနှိပ်စက်လိုက်လို့ လူကလည်း ကြောင်တောင်တောင်ဖြစ်နေ၊ ရုပ်ကလည်း အိုစနာကျလို့နေမှာ။ ရာဇ၀တ်မှုနဲ့ ထောင်ထဲရောက်လာပြီး။ ခုမင်းနဲ့ အတူတူ တခန်းထဲ နေတဲ့သူတွေကို မေးကြည့်စမ်းပါ။ ထောင်(၅) နှစ်ကျပြီး၊ ပြန်ထွက်သွားတဲ့မိန်းမ ဘယ်နှစ်ယောက်များ ပြန်စရာ အိမ်ရှိသေးလို့လဲ။ မင်းယောက်ျားကို ဆိုလိုတာနော်။ မင်းနဲ့ငါတို့နဲ့ နားလည်မှုလေး တခုလောက် စမ်းကြည့်ကြရင် မကောင်းဘူးလား။ မင်းလုပ်ပေးရမှာက တခုထဲ။ ဒေသဆိုင်ရာ အဖွဲ့အစည်းထဲက မင်းရဲ့အဆက်အသွယ်တွေကို ငါတို့ကိုပြောပြ။ ဒို့က အတင်းကြပ်ဆုံး လျို့ဝှက်ထားမှာပါ။ ပြီးတော့ မင်းကို ငါတို့က စာစောင်ဖြန့်ချိမှုနဲ့ပဲ ဆက်စစ်မယ်။ ဒါဆိုရင် ဆိုင်းငံ့ထောင်ဒဏ် (၂) နှစ်လောက်နဲ့ တရားရုံးထဲက အသာလေး လမ်းလျှောက်ထွက်သွားနိုင်မှာ သေချာတယ်။

၇) ဒီအမှုမှာ တခြားသူတွေ ဘယ်လိုထွက်ဆိုထားတယ်ဆိုတာ ငါဖတ်ပြတာ မင်း ကြားပြီးပြီမဟုတ်လား။ မင်းသူငယ်ချင်း တွေကတော့ သူတို့အပြစ်ကို ၀န်ခံနိုင်လောက်အောင် ရိုးသားကြတယ်ကွ။ အေးလေ… ငါပြောတာ သဘောမတူလည်း၊ ဘယ်သူပဲဖြစ်ဖြစ် သူတို့သတ္တိကိုတော့ လေးစားရမှာပဲကွ။ အဲ.. မင်းကတော့ တကယ့်လူကြောက်ပဲ၊ သတ္တိမရှိတဲ့ကောင်။

၈) ဦး‘က’ကြီးနဲ့တွေ့ပြီးမှတော့ မင်းသူငယ်ချင်းတွေက သူတို့သိတာ ရိုးရိုးသားသား အကုန်ပြောနေပြီဆိုတာ မင်း သံသယ ဖြစ်စရာ မရှိတော့ပါဘူးကွာ။ မင်းတို့အကြောင်း ဒို့အားလုံး သိထားပြီးသားဆိုတာ မင်းခုတော့သိပြီ မဟုတ်လား။ တကယ် အတွေ့အကြုံရင့်တဲ့ လက်ကောက်တွေကတော့ အဖော်နဲ့လုပ်တဲ့အမှုဆိုတာ အဖမ်းခံရတာနဲ့ ပေါ်တော့မှာပဲဆိုတာ ကောင်းကောင်းသိတယ်ကွ။ လူများများပါလေ ဒို့အတွက် လွယ်လေပဲ။ သူလျှိုမှု၊ ငွေအလွဲသုံးစားမှု၊ လိမ်လည်မှု အားလုံး ဒီလိုချည်းပဲ။ မင်းကြည့်လေ ဒီလိုအမှုမျိုးမှာ အနှေးနဲ့အမြန် တယောက်ယောက်က စပြောတာချည်းပဲကွ။ မင်းတို့အမှုတွဲပဲ ကြည့်လေ။ မင်းတယောက်ကလွဲလို့ လူတိုင်းကပြောနေပြီ။ မင်းတော့ နာတော့မှာပဲ။ ကြည့်လေ.. အဆုံးကျတော့ အားလုံးက ကိုယ်လွတ်ရုန်းကြတာပဲ။ တယောက်ကိုတယောက် လွှဲချလို့၊ မပြောတဲ့သူက ဓါးစာခံဖြစ်မှာပဲ။ နောက်မှ ကျနော် ပြောပါတော့မယ်ဆိုရင်တော့ သိပ်နောက်ကျသွားပြီ ကိုယ့်လူ။ တရားရုံးကလည်း အရင်ဆုံးဖွင့်ပြောတဲ့ သူကို ယုံတာပဲကွ။ ကဲ.. မင်း သူငယ်ချင်း ဦး‘က’ကြီးရဲ့ ထွက်ဆိုချက်ကို ပြန်ကြည့်ရအောင်။ သူကပြောတော့ မင်းက သူ့ကို လပ်ဗလင် (Lublin) နဲ့ လို့ထ်ဇ် (Lodz)မှာ ချကွက်သေတွေ စီစဉ်ခိုင်းခဲ့တာဆို။ ပြီးတော့ မင်းက ဘုန်းကြီး….နဲ့ အစည်းအဝေးလုပ်ဖို့လည်း ချိန်းခိုင်းခဲ့သေးတယ်ဆိုပဲ။

၉) မင်းက မင့်ကလေးကို မချစ်ဘူးလား။ ဟုတ်လား။ မင်းက ကလေးမထိန်းချင်ဘဲ ထောင်ထဲမှာပဲ နေချင်တာကိုးကွ။ မင့်ကလေးကတော့ အိမ်မှာ တယောက်ထဲ မနေရဲလို့ အိမ်နီးနားချင်းတွေဆီ ငိုပြီးတနေ့လုံး လျှောက်သွားနေတယ်။ မင်းကို ကလေးအုပ်ထိန်းခွင့် ရုတ်သိမ်းလိုက်ပြီး၊ ကလေးကို မိဘမဲ့ဂေဟာ ပို့လိုက်တာပဲကောင်းမယ်။ ဒါပဲ အကောင်းဆုံး ဖြစ်မှာပဲ။

၁၀) ကဲ.. ဒါတွေ ပွင့်ပွင့်လင်းလင်း စာရင်းရှင်းကြရအောင်လေ။ မင်း အနောက်ဂျာမဏီကို ပစ္စည်းတချို့ ပို့ခဲ့တယ်ဆိုတာ ငါတိ်ု့ ကောင်းကောင်းသိပါတယ်ကွ။ ဒီလမ်းကြောင်းကိုလည်း ငါတို့သိပါတယ်။ တန်ပြန် ထောက်လှမ်းရေးဌာနကပေးတဲ့ သတင်းအရ မင်းက ဒီလမ်းကြောင်းကတဆင့် အမျိုးသားလုံခြုံရေးနဲ့ ပတ်သက်တဲ့ သတင်းအချက်အလက်တွေကို ပို့ခဲ့တယ်တဲ့။ သူလျှိုမှုနဲ့ တရားစွဲမခံရချင်ရင်တော့ တလမ်းပဲရှိတယ်။ ဒီပစ္စည်းတွေ မင်းကို ဘယ်သူကပေးခဲ့တယ်ဆိုတာ ဒို့ကိုပြောကွာ။ အဲဒီလူက မင်းကို သူပေးခဲ့တာဟာ သာမန်လက်ကမ်း စာစောင်လေးတွေပါလို့သာ သက်သေပြနိုင်ရင် ဒို့က နောက်တနေ့လွှတ်ပေးမှာပေါ့။

၁၁) မင်းက တကယ့်ကို ယုံကြည်ချက်နဲ့စိတ်ဓါတ် အပြည့်နဲ့လုပ်တာ ငါတို့က သိပါတယ်။ မင်း “အ” တာ၊ အတွေ့အကြုံ မရှိတာ၊ လုပ်ချင်ကိုင်ချင်စိတ်ရှိတာတွေကို သူတို့က အသုံးချသွားတာပဲ။ မင်းကို ဒီလုပ်ငန်းတွေထဲ ဆွဲသွင်းသူကလည်း တချို့အချက်တွေကို နဲနဲ ‘ကား’ ပြောတယ်ကွာ။ (၁၉၈၀) သြဂုတ်လ မတိုင်ခင် (Gdansk) သင်္ဘောကျင်းအပါအ၀င် ဆန္ဒပြပွဲများ တသီကြီးဖြစ်ခဲ့ပြီး။ ‘သွေးစည်း ညီညွတ်ရေးအဖွဲ့’ ပေါ်ပေါက်လာသည့်အချိန်)က တချို့အစိုးရ ဆုံးဖြတ်ချက်တွေ မတရားဘူးဆိုတာ ငါတိ်ု့သဘောတူပါတယ်။ အဲဒီနောက်ပိုင်းလည်း ဒီလိုပါပဲ ဆိုတာဟုတ်ပါတယ်ကွာ။ ဘာပဲဖြစ်ဖြစ်လေ မင်းကတော့ သူတို့အသုံးချခံ သက်သက်ဖြစ်နေပြီ။ မင်းကတော့ သူတို့ဘယ်သူတွေလဲ၊ သူတို့နိုင်ငံရေး ရည်မှန်းချက်တွေက ဘာတွေလဲ၊ သူတို့မှာ ဘယ်လို အဆက်အသွယ်တွေရှိတယ်ဆိုတာ မင်းကတော့ မသိရှာဘူး။ ဥပမာကွာ.. မင်းတို့ ‘သွေးစည်းညီညွတ်ရေးအဖွဲ့’ နယ်မြေခံအကြံပေးဟာ စတာလင်ခေတ်က ရဲရဲတောက် ဘုရားမဲ့ဝါဒီ ဆိုတာ မင်းသိလား။ ဂိုမူကာ (Gomulka) ခေတ်က ၀ိုင်းဇင်းသယ် (ဗီယင်နာရုံးစိုက် နာဇီမုဆိုး Simon Wiesenthal) ရဲ့ သူလျှိုဖြစ်ခဲ့ဖူးတာ မင်းသိလား။ အနောက်နိုင်ငံ ဘဏ်မှာ စာရင်းဖွင့်ထားတာ မင်းသိလား။ ဘောက်စ်ဝပ်ဂွန်း ကားကြီး စီးနေတာကော မင်းသိလား။ သူကတော့ သူ့တသက်တာ ဖူလုံနေပြီကွ။ မင်းရဲ့  ရိုးရိုးကုပ်ကုပ် နပါတယ်ဆိုတဲ့ ခေါင်းဆောင်ကြီး ဦး‘က’ကြီးကလည်း လျို့ဝှက်ချက်တွေနဲ့ပဲကွ။ မာရှယ်လောကာလက မင်းတို့အုပ်စုအတွက် ထောက်အပံ့အကူအညီတွေ ဒေါ်လာ ဘယ်လောက် ရခဲ့တယ်ဆိုတာ မင်းတို့ကို ပြောပြဖူးသလား။ ဘယ်သူ့ ဆီက ရတယ်ဆိုတာကော မပြောဘူးလား။ ငြင်းမရတဲ့ သက်သေခံတွေ ကြည့်ချင် သေးလား။

၁၂) မင်းမှာ ကလေးရှိလား၊ မရှိဘူး၊ ဟုတ်လား။ ၀မ်းနည်းပါတယ်ကွာ။ ငါမေ့ သွားလို့ပါ။ ကောင်းတာပေါ့။ အဲဒါ သိပ်ကောင်းတာပေါ့။ လူနဲနဲပဲခံရလေကောင်းလေပေါ့ကွာ။ ဒါပေမယ့် တခုတော့ရှိတယ်။ မင်း အပြစ်ရှောင်သွားရင်တော့ သွေးဆုံးနေပြီနော။ ကလေးရဖို့ အခွင့်အလမ်းတော့ မရှိတော့ဘူးပေါ့ကွာ။

၁၃) မင်းကိုစစ်ဆေးလို့ရတဲ့ အချက်အလက်တွေနဲ့ မင်းကို သူလျှိုမှုနဲ့ ရုံးတင်လို့ရတယ်။ မင်းအမှုကို စစ်ခုံရုံးကို လွှဲလို့ရတယ်ဆိုတာ မင်းသိလား။ စက်ရုံ ‘က’ ကြီးဟာ စစ်ပစ္စည်းထုတ်လုပ်မှုမှာ ပတ်သက်နေတယ်ဆိုတာ မင်းသိလား။ P8 ဌာနက ဘာတွေလုပ်နေတယ်ဆိုတာကော မင်းသိလား။ မင်းမသိဘူး မဟုတ် လား။ P8 စက်ရုံအလုပ်သမားတွေထဲက ဘယ်သူတွေ မင်းဆီက ငွေနဲ့ အစားအစာတွေ ရနေတယ်ဆိုတာ ငါတို့သိတယ်။ ‘အဖိနှိပ်ခံများအတွက် အကူအညီ’ လို့တော့ နာမည်ခံထားတာပေါ့ကွာ။ သူတို့ချင်း ဘယ်လို အပြန်အလှန် ဆက်သွယ်မှုရှိတယ်ဆိုတာ မင်းမသိဘူး။ ဒါ ထောက်လှမ်းရေး လုပ်ငန်းကွ။ မင်း ငါတို့ပြောတာ ယုံပါကွာ။ စစ်လက်နက် ထုတ်လုပ်ရေးလုပ်ငန်းက အလုပ်ဖြုတ် ခံရသူတွေရဲ့အမည်တွေ၊ လိပ်စာတွေရမယ်ဆိုရင် ဘယ်ထောက်လှမ်းရေးအဖွဲ့ကမဆို ငွေပေးမှာပဲကွ။ ဘယ်သူ အရက်သောက်လွန်လို့ အလုပ်ဖြုတ်ခံရတယ် ဆိုတာတောင် သူတို့က သိချင်သေးတယ်။ သပိတ်သမားတော့ မပြောနဲ့တော့ပေါ့ကွာ။ မင်း ငါပြောတာ နားထောင်စမ်းပါ။ ထောက်လှမ်းရေး အေဂျင်စီတခုအတွက် သူတို့အားလုံးဟာ အလားအလာရှိသော သူလျှိုတွေပဲ။ မင်းက အဲဒီ သူလျှိုစုဆောင်းရေးလုပ်ငန်းမှာပါနေတာ မင်းသိလား။ မင်းက မသိလို့ လုပ်နေတာလား။ သူလျှိုလုပ်ငန်း ဇာတ်ရှုတ်ကြီးထဲ ပါနေတာကို မသိလောက်အောင် “အ” တာလားတော့ ငါတို့ မသိဘူးပေါ့ကွာ။ မင်းကို ငါတို့ များများမမေးပါဘူး။ ဒီ ကုသိုလ်ဖြစ်လုပ်ငန်းမှာ မင်းအပြင် ဘယ်သူပါသေးလဲဆိုတာပဲ ငါက သိချင်တာပါ။ ဒါလေးပါပဲကွ။ ဒါက တကယ်ကို ကုသိုလ်ဖြစ်လုပ်ငန်း အစစ်ဖြစ်တယ်ဆိုရင် ဘယ်သူမှ မထိခိုက်စေရပါဘူး။ မင်းကိုတော့ တခုသတိပေးလိုက်မယ်။ မင်းကို ဒို့လွှတ်ပေးလိုက်ပြီး၊ သိပ်မကြာခင် မင်း မတော်တဆမှုတခုခုနဲ့ တွေ့မယ်။ ဒါမှမဟုတ်လည်း ကိုယ့်အိမ်မှာ သေကြောင်း ကြံတာကိုပဲဖြစ်ဖြစ် တွေ့ရလိမ့်မယ်။ ထောက်လှမ်းရေးဌာနတွေက သူတို့ ဘာလုပ်ရမယ်ဆိုတာ ကောင်းကောင်း သိတယ်ကွ။

၁၄) မင်းကို ဦး‘က’က ငွေတွေ ခဏခဏပေးတာ ငါတို့သိပါတယ်ကွ။ အဲဒီထဲက တချို့နဲ့ မင်းက ဆေးဆိုးပန်းရိုက် အလုပ်ရုံလေးထောင်ဖို့၊ ကျန်တဲ့ပိုက်ဆံကို အထိန်းသိမ်းခံ မိသားစုတွေကို ထောက်ပံ့ဖို့ပေါ့ကွာ။ ဦး‘က’ကြီးက ရိုးပါတယ်ကွ။ သူက ဒို့ကို အကုန်လုံး အသေးစိတ်ပြောပြတယ်။ ဒေါ်လာနဲ့ အနောက် ဂျာမန် ‘မတ်’ ငွေတွေ ဘယ်မှာလဲတယ်။ ပိုလန်ဇလော့တီ ဘယ်လောက်ရတယ် ဆိုတာ ငါတို့အကုန်သိတယ်။ မင်းက သူ့ကို လက်ကျန် ရှင်းတမ်းမပေးလို့နဲနဲတော့ စိတ်ပူနေတယ်ကွ။ ဘယ်သူ့ကို ဘယ်လောက် ပေးလိုက်ရတယ်ဆိုတာ မင်းက ဒို့ကို မပြောဘူးပေါ့လေ။ အေး.. ကောင်းပါတယ်ကွာ။ ၀ါဒဖြန့်ချိရေးအတွက်တော့ ဒီလိုဖြစ်တာ ပိုကောင်းတာပေါ့ကွာ။ မင်းကို အသေးစား ငွေအလွဲသုံးစားလုပ်သူ၊ လူလိမ်အဖြစ်နဲ့ ငါတို့က ရုံးတင်မယ်။ သိပ်ကိုကောင်းတဲ့အမှုပေါ့ကွာ။ ‘ကြီးမိုက် လူရှုတ်ကြီးက သမဂ္ဂပိုက်ဆံယူ မြေအောက်တော်လှန်ရေးသမား သူရဲကောင်း ဟန်ဆောင်ခြင်း’ ပေါ့ကွာ။ ညကလပ်တွေမှာ မင်း ဘယ်လို ပိုက်ဆံဖြုန်းခဲ့တယ်ဆိုတာ ကျမ်းကျိန်ပြီး သက်သေထွက်မယ့်သူတွေ တပုံကြီး ရှိတယ်ဆိုတာ မင်းသိတယ် မဟုတ်လား။ ဒို့အတွက် အလုပ်လုပ်ပေးနေတဲ့ ဖာတွေ အများကြီးရှိတယ်ဆိုတာ မင်းသိပါတယ်။ မင်းမှာရွေးစရာ (၂) ခုပဲရှိတယ်။ ဒို့မေးတာဖြေပြီး သွေးစည်းညီညွတ်ရေးအဖွဲ့ဝင်တွေကို ရုံးတင်စစ်တဲ့ အမှုတွဲထဲပါမလား၊ နိုင်ငံရေးအရ သိပ်ကိုအရေးကြီးတဲ့၊ ထင်ရှားတဲ့ ပုဂ္ဂိုလ်တွေနဲ့ အတူပေါ့ကွာ။ ဒါမှမဟုတ် ဦးနှောက်မရှိပဲ ခုလို ငြင်းနေပြီး၊ တရားခံဝက်ခြံထဲမှာ ထိုင်မလား။ ၀ါဆောတမြိ့လုံးက ဖာတွေက မင်းအမှုအတွက် သက်သေထွက်ကြမှာကွ။ စဉ်းစားပေါ့ကွာ။ မင်းရွေးတဲ့ အတိုင်းပါပဲ။

၁၅) မင်း အခုလို ခေါင်းမာတာ၊ နှုတ်ဆိတ်နေတာဟာ မင်းတယောက်ထဲနာမှာ မဟုတ်ဘူး၊ တခြားသူတွေလည်း နာမှာ။ မင်းအခန်းက ဒို့ရှာတွေ့တဲ့ လက်ကမ်းစာစောင် ရှေ့အဖုံးမှာ ဒေါ်‘ခ’ကွေးရဲ့ ဖုန်းနံပါတ်တွေ့ထားတယ်ကွ။ ဒို့က သူ့ကို ဖမ်းထားပြီးပြီ။ သူက သိပ်ပြီး စိတ်ဓတ်ကြံ့ခိုင်သူမဟုတ်ဘူးဆိုတာ မင်းသိပါတယ်။ သူ့မှာကလေးတယောက်လည်း ကျန်ခဲ့တယ်ကွ။ သူ့ဆီကထွက်ချက် ဒို့ရထားပြီးပြီ။ မနက်ဖန်ကျရင် သူ့ကို ထောင်ထဲမှာ ဆက်ထားမလား၊ လွှတ်ပစ်မလားဆိုတာ ဒို့ဆုံးဖြတ်မယ်။ ကံဆိုးချင်တော့ သူ့ထွက်ချက်တွေက ဝေ့လည်ကြောင်ပတ်နဲ့ သိပ် အားပျော့ လွန်းတယ်။ အစိုးရရှေ့နေက သူ့ကို ထောင်ထဲမှာပဲ ဆက်ထားတော့မှာ ငါစိုးရိမ်တယ်ကွာ။ မင်း ဒို့မေးတာ မဖြေဘူး ဆိုရင်။ သူ့ဖုန်းနံပတ်ကို ဘယ်ကရခဲ့တယ်ဆိုတာ မပြောဘူး ဆိုရင်တော့ အစိုးရရှေ့နေက ဒီလိုပဲ လုပ်ရတော့မှာပဲ။

၁၆) မင်းရဲ့အချစ်ဆုံးမိတ်ဆွေ မ‘ဂ’ငယ်ရဲ့ ထွက်ချက်ကြောင့် အခုလိုအဖမ်းခံရတယ်ဆိုတာ မင်း ကောင်းကောင်း သိပါတယ်။ သူက ကြာကြာ အာမခံနိုင်ဘူးလေကွာ။ သူက ဒို့ကို ရိုးရိုးသားသား ပြည့်ပြည့်စုံစုံ ထွက်ချက်လည်းပေးပြီးရော တခါထဲ ရုတ်တရက် အရုပ်ကြိးပြတ် ကျသွားတော့တာပဲ။ သတ်သေဖို့ ကြိုးစားတော့တာပဲ။ ဒို့ စိတ်ရောဂါ ဆရာဝန်က ပြောတာတော့ စိတ်ကျရောဂါတဲ့။ သူ့ကို အခု အထူးဆောင်မှာထားလိုက်ပြီ။ အဲဒီအဆောင်ရဲ့အခြေအနေက ကျန်းမာ သန်စွမ်းတဲ့ ယောက်ျားတယောက်တောင် ရင်ဆိုင်ဖို့ မလွယ်ဘူး။ ဒီကောင်မလေးကို မင်းက မင်းရဲ့ အစိုးရ ဆန့်ကျင်ရေး အုပ်စုထဲ ထည့်လိုက်တာ ဒို့သိပါတယ်။ မင်းက သူ့အထက်က။ ခုတော့ ဒီကလေးမလေးရဲ့ နောင်ရေးက မင်းလက်ထဲမှာ။ မင်းဆီက ဒို့ ထွက်ချက်ရရင်။ အင်း.. ဆိုပါတော့ကွာ… မင်းက သူ့ကို ဒန့် (Gdansk) သင်္ဘောကျင်းကို သုံးလေးခေါက် လွှတ်တယ်။ မြေအောက် စာစောင်တွေဖြန့်ချိရာမှာ နဲနဲပါးပါးလောက် ပါခဲ့တယ်ဆိုတာလောက်နဲ့ ဆိုရင်တော့ ဒို့က သူ့ကို ချက်ချင်း လွှတ်လိုက်မှာပဲ။ ဒို့ကို ယုံပါကွာ။ ဒို့ကလည်း ထောင်ထဲမှာ ခုလို သတ်သေတာတွေ ခဏခဏ မဖြစ်စေချင်ပါဘူး။ သူကတော့ ခုအချိန်မှာ ဘာမဆို လုပ်နိုင်တယ်နော။ ကဲ.. ဒို့ တယောက်ကိုတယောက် နားလည်နိုင်ပြီလား။ အလွန် သနားစရာကောင်းတဲ့ စိတ်ကျရောဂါရနေတဲ့ မိန်းကလေး တယောက်ရဲ့ လွတ်မြောက်ရေးဟာ မင်းလက်ထဲမှာ ဆိုတာကို။

၁၇) မင်းနဲ့စေ့စပ်ထားတဲ့၊ မင်းနဲ့အတူဖမ်းမိတဲ့ ကောင်မလေးက မင်းကို ကာကွယ်ဖို့တော့ ကြိုးစားနေတာပဲကွ။ သူက ဒို့ကိုပြောပြတာတော့ အတော်ကြာပြီကွ။ သူ့ထွက်ချက်ထဲက တချို့ကို ဒို့ဖတ်ပြမယ်။ အချစ်စိတ်လွှမ်းနေတဲ့ မိန်းမတွေ ထုံးစံပေါ့ကွာ။ သူလုပ်ခဲ့တာတွေ ပုံကြီးချဲ့ပြော။ မင်းလုပ်ခဲ့တာတွေ လျှော့ပြော။ ဒီပုံအတိုင်းဆို သူကတော့ ထောင်ဒဏ် အတော်တန်နေပြီကွ။ မင်းသိတဲ့ အတိုင်းပဲ သူက မလည်ဘူးလေ။ လူတိုင်းကလည်း မင်းလို ခေါင်းမမာဘူး။ ငါ့အတွေ့ အကြုံအရပြောရရင်၊ ငါ မင်းကိုပြောရ၊ မရတော့ မသိဘူးပေါ့ကွာ။ မင်း Bridge ဖဲ ကစားတတ်လား။ ကစားတတ်တယ်။ ဟုတ်လား။ ပြောပြစမ်းပါကွာ။ ကောင်းကောင်းကစားတတ်တာနဲ့ ညံ့ညံ့ကစားတတ်တာ ဘယ်ဟာကပိုလွယ်သလဲ ဆိုတာ နားထောင်စမ်း။ မင်းသာ တကယ်ကောင်းကောင်းကစားတတ်ရင် ပွဲကို ရှေ့ကဦးဆောင်ရတယ်ကွ။ မင်းသာပြောမယ်ဆိုရင် မင်းထွက်ချက်အတိုင်း ငါက ဒီကောင်မလေးကို စစ်ရမှာပဲ။ သူ့ထွက်ချက်အတိုင်း စစ်စရာမလိုဘူး။ တကယ်တော့ ငါမင်းကို ခုလိုရှင်းမပြရဘူး။ မင်းကို ဂုဏ်သရေရှိ လူကြီးလူကောင်းလို့ ငါ မထင်ဘူးကွ။ ဖာခေါင်းတောင် မင်းထက် ပိုပြီး သိက္ခာရှိရှိ ခုလို ကျင့်ဝတ်ဆိုင်ရာ ပြဿနာကို ရှင်းနိုင်သေးတယ်။ ဘယ်လိုလဲ။ မြေအောက်တော် လှန်ရေးသမား သူရဲကောင်းကြီးရဲ့။ ထွီ…. အလကားကောင်။ ကောင်မလေးက သူ့ကိုယ်သူ ပုံချနေသမျှ မင်းက အေးအေးဆေးဆေး ထိုင်စောင့်လို့။

၁၈) အစိုးရဆန့်ကျင်ရေးစာရွက်စာတမ်းတွေကို မင်းအခန်း (မင်းမှာ အခန်းလည်း မရှိပါဘူး) က မိတာမဟုတ်ဘူး။ မင်းမိဘတွေရဲ့အခန်းက မိတာဆိုတာ မင်းသိတယ် မဟုတ်လား။ မင်းအဖေ ဘယ်မှာလုပ်တယ်။ သူ့ရာထူးက ဘာဆိုတာ မင်းသိပါတယ်။ မင်းကတော့ ဒီစာရွက်စာတမ်းတွေ ဘယ်ကရတယ်ဆိုတာ ဒို့ကို ခုထိ မပြောသေးဘူး။ ဒါဆိုရင် ဒါတွေကို မင်းအဖေဆီက ရတယ်လို့ ပြောရမှာပဲ။ ဟုတ်တယ်မဟုတ်လား။ ငါတိ်ု့ကတော့ ဒီလမ်းမြှောင်လေးကို ရှာဖို့ ဆုံးဖြတ်ပြီးပြီ။ ငါပြောတာ ယုံစမ်းပါကွာ။ ဒို့က လုပ်မယ်ဆိုရင်၊ လုပ်ပြီဆိုရင် မင့်အဖေတော့ ကိစ္စပြတ်ပဲ။ ငါ အမှတ်မမှားဘူးဆိုရင် မင်းအဖေက ပင်စင်ယူဖို့ (၂) နှစ်ပဲ လိုတော့တာပဲ။ ဟုတ်တယ်မဟုတ်လား။

၁၉) မင်းဟာငယ်လည်းငယ်။ ဉာဏ်လည်းထက်တဲ့ မိန်းကလေးတယောက်ပဲ။ မင်းမှာ အယူအဆတွေ၊ ယုံကြည်ချက်တွေ၊ အစီအစဉ်တွေ ရှိမှာပဲ။ ဒါပေမယ့် စစ်ကြောရေးတလျှောက်လုံး မင်းက တကယ့် ငတုံးတယောက်လိုပါပဲလား။ တခုခုယူခဲ့တယ်၊ တခုခုကို တခြားတနေရာကို လွှဲပေးလိုက်တယ်၊ တယောက်ယောက်နဲ့ တွေ့ခဲ့တယ်၊ ဒါပဲ။ တခြားလူတွေ ထွက်ချက်က တခုခုတော့ အဖြေထွက်တာပဲ။ ဥပမာအားဖြင့်ကွာ.. ‘က’ကြီးကဆို သူ့နိုင်ငံရေးအမြင်တွေကို အစီရင်ခံစာ အရှည်ကြီးရေးပေးတယ်။ ဒါဆို ဒို့ကလည်း သူ့ကို နိုင်ငံရေးသမားတယောက်အဖြစ် ရုံးတင်လို့ရတာပေါ့။ မင်းကျတော့ သူ့ရဲ့မယား။ မြေအောက်လုပ်ငန်းသုံး ယာယီအဖော် မိန်းကလေးတယောက်အဖြစ်ပဲ ပြောလို့ရတော့မှာ။ ဒီဟာက မင်းနဲ့ လိုက်ပါ့မလားဆိုတာ ငါတော့ သိပ်မသေချာဘူး။

၂၀) ‘မြေအောက်အဖွဲ့’ဆိုတဲ့ထဲက မင်းသူငယ်ချင်းတွေလုပ်နေပုံကတော့ တကယ့်ကို အပျော်တမ်း ဆန်လွန်းတယ်။ မြေအောက်စည်းကမ်းတွေလည်း မလိုက်နာဘူး။ မင်းအရင်တခါ အဖမ်းခံရတာလည်း။ ဒီကောင်တွေ ပေါ့ပေါ့ဆဆလုပ်လို့၊ အသုံး မကျလို့ပဲ၊ မင်းကတော့ သူတို့ထက် အများကြီးသာတယ်။ ပါရဂူတယောက်ပဲဆိုတာ ငါတို့သိတယ်။ (ဒီဟာ မင်းရေးတယ်ဆိုတာ ငါတို့သိပါတယ်ကွ။ ‘က’ကြီးက ပြောထားပြီးပြီ။) မင်းရေးထားတဲ့ စည်းကမ်းတွေအတိုင်း လိုက်နာရင် မင်းတို့အစုကို မိဖို့မလွယ်ဘူး။ ကံဆိုးချင်တော့ မင်းက အလကားကောင်တွေနဲ့ သွားပေါင်းမိတာကိုးကွ။ မင်းကတော့ တကယ့်လူတော်ပါ။ ဒို့က အလုပ်ကို သေချာလုပ်တတ်တဲ့သူတွေကို သဘောကျပါတယ်။ တရားရုံး စစ်ချက်မှတ်တမ်း တွေဟာ (တခြားမင်းရှေ့က အစုတွေလိုပဲ) တချိန်ကျ သမိုင်းသုတေသီတွေအတွက် သမိုင်းဝင်ပစ္စည်းဖြစ်မှာ သေချာတယ်။ အဲဒီသမိုင်းသုတေသီတွေက မင်းတို့အစုကို တကယ့်စည်းရုံးမှုရှိတဲ့၊ နိုင်ငံရေးအရ ရင့်ကျက်တဲ့ အစုအဖြစ် မြင်စေချင်သလား၊ ငပေါအုပ်စုတစုအဖြစ် မြင်စေချင်သလား။ သမိုင်းဝင်ကျန်စေချင်ရင် မင်းတို့အစုကို အကောင်း မြင်စေချင်ရင်ပြောကွာ။ မင်းတို့ သတင်းစာ ဖြန့်ချိရေးကွန်ယက် ဘယ်လို တည်ဆောက်ထားတယ်ဆိုတာကို။

၂၁) မင်းက ဒုတိယလှိုင်းထဲမှာပါတယ်။ နောင်မှာ ပုလိပ်နဲ့စစ်သားတွေကို ဓါတ်ဆီပုံးနဲ့ ပစ်မယ့်သူတွေပေါ့။ မင်းလို ကောင်တွေ တွေ့ဖူးပေါင်းများပါပြီကွာ။ ဟေ့ကောင်.. ဒီဒုတ်ကို ကြည့်စမ်း။ ဟိုဖက် လှည့်မသွားပါနဲ့ကွ။ ငါ့လူတွေက မင်းကို ဘာမှ မလုပ်ပါဘူး။ ဒို့မှာ အချိန်အများကြီးရှိတယ်။ အများကြီးရှိတယ်။ နားထောင်စမ်း။ ဒါတွေ မင်းကို ဘယ်သူ ပေးတာလဲ။

၂၂) မင်းရှေ့ကစာအုပ်ကို ကြည့်စမ်း။ ဒါဘာလဲ။ ဘယ်သူရေးတာလဲ။ ဘာလို့ရေးတာလဲ။ မင်းက ပါးစပ်ပိတ်နေတယ် ပေါ့လေ။ ကောင်းလိုက်တာကွာ့ မင်းက ခုလို သေချာပါးစပ်ပိတ်ထားဖို့ လေ့ကျင့် သင်ကြားခံထားရသူပဲ။ အရင်တုန်းကတော့ KOR လက်ကမ်းစာစောင် (၁၉၇၆ တွင် ဖွဲ့စည်းခဲ့သော အလုပ်သမားကာကွယ်ရေးကော်မတီ၊ KOR ထုတ်ဝေရေး လုပ်ငန်းကို ရည်ညွှန်းသည်။)ဆိုတာ ရှိခဲ့ဖူးတယ်ကွ။ အဲဒီထဲမှာ ဥပဒေ ပြဋ္ဌာန်းချက်တွေထဲက ထုတ်နှုတ်ပြီး၊ အမျိုးမျိုး လိမ်ကောက်ပြီး ဖွင့်ဆိုထားတဲ့ ဖွင့်ဆိုချက်တွေပါတယ်။ ‘နိုင်ငံသားနှင့် လျို့ဝှက်ပုလိပ်’ ဆိုတဲ့ အခန်းမျိုးပေါ့။ ခု မင်းရှေ့က ဟာပဲလေ။ အဲဒါဘာလဲဆိုတာ မင်းသိလား။ ဒါ သူလျှိုလုပ်ငန်းအတွက် စံကျတဲ့ညွှန်ကြားလွှာပဲ။ ဖမ်းမိတဲ့အချိန် သူလျှိုတယောက် ဘာလုပ်ရမယ်ဆိုတဲ့ လက်စွဲစာစောင်ပဲ။ ဒီလက်စွဲစာစောင်ရဲ့ အခြေခံက ဘာလဲဆိုတာ မင်းသိလား။ ဒီမှာ အဲဒီညွှန်ကြားချက်မိတ္တူ၊ CIA အရှေ့ဥရောပဌာနခွဲကနေ ဒို့ရဲ့ တန်ပြန်ထောက်လှမ်းရေးဌာနက ရခဲ့တာ။ ‘ဦးနှောက် အဆေးခံရခြင်းကို တုန့်ပြန်ရာတွင် အားထားနိုင်သော လေ့ကျင့်ခန်းအဖြစ် အာရုံကြောလေ့ကျင့်ခန်း’ ဆိုတာပဲ။ မင်းရှေ့က စာစောင်နဲ့ အခုအချက်အလက်တွေနဲ့ တိုက်ကြည့်လေ။ အချက် (၂၂)ချက်လုံးဟာ အတူတူပဲ။ မတူဘူးလား။ မင်းကတော့ နှုတ်ဆိတ်နေတုန်းပဲ။ သူလျှိုလက်စွဲထဲက ညွှန်ကြားချက်တွေအတိုင်း လိုက်နာနေတုန်းပဲမဟုတ်လား။

No comments:

Post a Comment